મહારાષ્ટ્રના મંત્રી નવાબ મલિકે ક્રૂઝ રેવ પાર્ટી અંગે મોટો ખુલાસો કર્યો છે. તેમણે આરોપ લગાવ્યો કે આર્યન ખાન સાથે સેલ્ફી લેનાર કેપી ગોસાવી વાસ્તવમાં BJPના કાર્યકર છે
મલિકે બુધવારે મહારાષ્ટ્ર એનસીપી કાર્યાલયમાં પત્રકાર પરિષદમાં જણાવ્યું હતું કે મનીષ ભાનુસાલી 21 સપ્ટેમ્બરે દિલ્હીમાં કેન્દ્રીય મંત્રી સાથે હતા. 22 સપ્ટેમ્બરના રોજ તેઓ ગાંધીનગરમાં ભાજપના મંત્રી સાથે હતા. તેમણે ભાનુશાળીની સોશિયલ મીડિયા પ્રોફાઇલના આધારે આરોપ લગાવ્યો કે તેઓ પોતાને ભાજપના ઉપાધ્યક્ષ તરીકે વર્ણવે છે.આ સાથે મલિકે ગોસાવી વિશે કહ્યું કે તે ખૂબ જ મોટી છેતરપિંડી કરનાર વ્યક્તિ છે. તે પોતાની જાતને એક ખાનગી જાસૂસ તરીકે વર્ણવે છે. જ્યારે તેની સામે પુણેમાં બનાવટીનો કેસ નોંધવામાં આવ્યો છે.
राष्ट्रवादी काँग्रेस पक्षाचे राष्ट्रीय प्रवक्ते तथा अल्पसंख्याक मंत्री ना. नवाब मलिक यांच्या पत्रकार परिषदेचे थेट प्रक्षेपण https://t.co/ngDLcs3jyh
— Nawab Malik نواب ملک नवाब मलिक (@nawabmalikncp) October 6, 2021
ઘણા મોટા નેતાઓ સાથે મનીષની તસવીરો છે.
મલિકે એમ પણ કહ્યુ હતું કે, વડાપ્રધાન નરેન્દ્વ મોદી, કેન્દ્વીય ગૃહમંત્રી અમિતશાહ અને મહારાષ્ટ્ર વિધાનસભામાં વિપક્ષના નેતા દેવેન્દ્વ ફડણવીસ સાથે મનીષ ભાનુશાળીના ફોટોગ્રાફ્સ હતાં. તેમણે પૂછ્યું કે તે કેવી રીતે બની શકે કે એક બીજેપી નેતા આર્યન ખાનને પોતાની સાથે ખેંચી રહ્યો હોય. એનસીબીએ આ બાબતે જવાબ આપવો જોઈએ.
NCB દ્વારા બોલિવૂડને બદનામ કરવાનું કાવતરું
કેબિનેટ મંત્રી નવાબ મલિકે ભાજપ પર NCB દ્વારા બોલિવૂડ અને ફિલ્મ ઉદ્યોગને બદનામ કરવાનો આરોપ લગાવ્યો છે. એક સવાલના જવાબમાં તેમણે કહ્યું કે NCB એ ક્રુઝ પર કોઈ પણ ડ્રગ્સ રિકવર કરી નથી. મીડિયામાં પ્રકાશિત વીડિયો અને ફોટા છે તે એનસીબી ઓફિસના છે.
આર્યન સાથે લેવાયેલી સેલ્ફી અંગે NCB ની સ્પષ્ટતા
આર્યનની સેલ્ફી વાયરલ થયા બાદ કહેવામાં આવી રહ્યું હતું કે આ વ્યક્તિ NCB અધિકારી છે. NCB ઓફિસમાં સેલ્ફી લેવામાં આવી હતી, તેથી શંકા હતી કે તસવીર તેની કસ્ટડીમાં લેવામાં આવી હતી. જોકે, થોડા સમય પછી NCB એ એક નિવેદન બહાર પાડીને કહ્યું કે આ ચિત્રમાં આર્યન ખાન સાથે દેખાતો વ્યક્તિ NCB નો અધિકારી કે કર્મચારી નથી.