કાર્યવાહી / ગુનો કરીને ગુજરાતમાં બચી નહીં શકો: બિહાર ગેંગવૉરના કુખ્યાત આરોપી અને ઓડિશાના હત્યારા સુરતથી ઝડપાયા

• બિહાર ગેંગવોરમાં 5 શખ્સોની હત્યા કરનાર સાગરીતોને ઝડપી લેતી સુરત પોલીસ
• હત્યા કરનારા BJDના 3 કાર્યકર્તા ઝડપાયા
• આરોપી પોલીસથી બચવા સુરત ભાગી આવ્યા હતા

બિહારના કટીયાર જિલ્લામાં ગેંગવોર થયો હતો. જેમાં મોહના ઠાકોર અને પિંકુ યાદવ ગેંગ વચ્ચે તા. 8-12-2022ના રોજ ગેંગવોરમાં ગેંગવોર થઇ હતી. જેમાં 5 લોકોને મોતને ઘાટ ઉતારી દેવામાં આવ્યા હતા. આ દરમિયાન 5 શખ્સોની હત્યા કરનાર સાગરીતોને ઝડપી લેવામાં સુરત પોલીસને સફળતા મળી છે. જેમાં સુરત ક્રાઈમ બ્રાન્ચે મોહના ઠાકોર ગેંગના 4 સાગરીતો દબોચી લઈ કાર્યવાહી હાથ ધરી છે. સુરત ક્રાઇમ બ્રાન્ચેગોડાદરાના દેવધ ચેકપોસ્ટની નજીકથી તમામ આરોપીઓને ઝડપી લઇ કાર્યવાહી હાથ ધરી છે. ઉલ્લેખનિય છે કે ગંગા નદીના કાંઠાની જમીનને લઈને બંને ગેંગ વચ્ચે અણબનાવ ચાલતો હતો. જેમાં આ લોહિયાળ ઘટનાને અંજામ આપવામાં આવ્યો હતો.

ઓડિશા ભાજપના કાર્યકર્તાની હત્યા મામલે 3 ઝડપાયા

બીજી તરફ ઓડિશા ભાજપના કાર્યકર્તાની હત્યા મામલે સુરત SOG પોલીસે બાતમીના આધારે 3 આરોપીઓને દબોચી લીધા છે. હત્યા કરનારા BJDના 3 કાર્યકર્તા ઝડપાયા હતા. આ અંગેની વિગત એવી છે કે ઓડિશા બડાબોરીસિંગ ગામના લોકો બે જૂથમાં વહેંચાયેલા હતા. જેમાં ભાજપ ગ્રુપના અમર રોટા અને સીબારામ પ્રધાને અગાઉ હુમલો કર્યો હતો. જે અદાવતનો ખાર રાખી રાખીને BJDના કાર્યકર્તાઓએ અમર અને સીબારામનું અપહરણ કર્યું હતું. અપહરણ બાદ બંનેને માર મારતા અમર રોટાનું મોત થયું હતું. ત્યારબાદ આરોપીના ગ્રુપ લીડર સોમ્યા રંજન પર હુમલો કર્યો હતો. જેમાં  આરોપી BJDના સમર્થક બિકાસ બિસોઈ, રોહિત બિસોઈ, આરોપી જગુના સ્વાઈની ધરપકડ કરવામાં આવી છે.14 ડિસેમ્બરના રોજ આ ઘટના બની હતી. જેમાં આરોપીઓ પોલીસથી બચવા સુરત ભાગી આવ્યા હતા. જોકે સુરત પોલીસે આરોપીઓને દબોચી લઈ ગુન્હો કરીને ગુજરાતમાં બચી નહીં શકે તેવો સંદેશ આપ્યો છે.