ભૂજની હોસ્પિટલમાંથી ફરાર ગોંડલનો કુખ્યાત આરોપી નિખિલ દોંગા ઝડપાયો, ઉત્તરાંખડથી ઝડપાયેલા નિખિલ દોંગાને સારવાર માટે ખસેડાયો હતો.
નિખિલ દોંગા ભુજની પલારા જેલમાં કેદ હતો
સારવાર માટે હોસ્પિટલમાં ખસેડાયા બાદ થયો હતો ફરાર
નિખિલ દોંગા ગુજસીટોકનો આરોપી છે
ગોંડલનો કુખ્યાત આરોપી નિખિલ દોંગા ઉત્તરાખંડના નૈનીતાલમાંથી ઝડપાયો છે. નિખિલ દોંગા ભુજની પલારા જેલમાં કેદ હતો. સારવાર માટે હોસ્પિટલમાં ખસેડાયા બાદ ત્યાંથી ફરાર થયો હતો. નિખિલ દોંગા ગુજસીટોકનો આરોપી છે. અને નિખિલ દોંગા ગોંડલનો કુખ્યાત આરોપી છે. નિખિલ તેના સાગરિત સાથે ફરાર થઇ ગયો હતો. હોસ્પિટલમાંથી ફરાર થતાં કચ્છ પોલીસ પર સવાલ ઉઠ્યા હતા. જાપ્તા બંદોબસ્તના PSI, કોન્સ્ટેબલ સહિત 5 સામે ફરિયાદ નોંધાઈ હતી. જેમાં IPCની કલમ 223, 224, અને 225 અંતર્ગત ફરિયાદ થઈ હતી.
તો એક PSI અને કોન્સ્ટેબલની અટકાયત કરાઈ હતી. સુનિયોજીત ષડયંત્ર સામે આવતા મોટી કાર્યવાહી કરાઈ હતી. ફરાર નિખિલ દોંગાને બે જ દિવસમાં ઝડપીને ગુજરાત પોલીસે મોટી કાર્યવાહી કરી છે. રાજકોટ રૂરલ પોલીસે નિખિલ દોંગાની ધરપકડ કરી છે. નિખિલના ફરાર થયા બાદ આરોપીને ઝડપી પાડવા પોલીસે રાજ્યભરમાં નાકાબંધી કરી હતી.
નિખિલ દોંગાની ગેંગે એક કરોડની ઉઘરાણીનો હવાલો રાખ્યો હતો
ગોંડલની નિખિલ ગેંગે દ્વારા એક કરોડની ઉઘરાણીનો હવાલો રાખવામાં આવ્યો હતો. જેના માટે જેલમાંથી જ માણસો મોકલવામાં આવી ધમકાવામાં આવતા હતા. ગોંડલ પોલીસે નિખિલ મોબાઇલના ત્રણ દુકાનદારો સહિત 16 સામે ગુનો નોંધ્યો છે.
પ્રાપ્ત મળતી વિગત અનુસાર ત્રણ મોબાઇલ શો રુમના ધારકોએ 1 કરોડની ઉઘરાણી કઢાવવા માટે નિખિલ ગેંગને હવાલો સોંપ્યો હતો. જેલમાંથી જ આ રકમ કઢાવવા થતાં પ્રયાસ સામે આખરે ગુનો નોંધાયો છે.
ગોંડલ ગેંગના મુખ્ય સૂત્રધાર નિખિલ દોંગા સહિત સાગરિતો શક્તિ, નવઘણના નામદાર કોર્ટ દ્વારા 20 દિવસના રિમાન્ડ મંજૂર કરવામાં આવ્યાં હતા. કુલ 12 આરોપીઓ પર ગુજસીટોકનો ગુનો દાખલ કરવામાં આવ્યો છે.