નિક્કી મર્ડર કેસમાં નવો વળાંક આવ્યો છે. નિક્કી યાદવની લેટેસ્ટ CCTV ફુટેજ સામે આવી છે જેમાં તે સીડી ચઢી રહી છે. આરોપી સાહિલને 5 દિવસની રિમાન્ડ મળી છે.
નિક્કી મર્ડર કેસમાં નવો વળાંક
મૃત્યુની થોડીક્ષણો પહેલાની ફુટેજ મળી આવી
આરોપી સાહિલ 5 દિવસની રિમાન્ડ પર
હરિયાણાનાં ઈજ્જરમાં રહેતી નિક્કી યાદવની હત્યા તેના જ પ્રેમી સાહિલ ગહલોતે ગળું દાબીને કરી દીધી હતી. ત્યારબાદ શવને પોતાના ઢાબાનાં રેફ્રિજેરેટરમાં રાખ્યું હતું. હવે નિક્કી યાદવની સીસીટીવી ફુટેજ સામે આવી છે. આ ફુટેજમાં નિક્કી પોતાના ઘરનાં દાદરા ચઢતી નજરે પડે છે. આ ફુટેજને જોઈને કોઈ વિચારી પણ ન શકે કે થોડીક્ષણો બાદ જ નિક્કીનું મર્ડર થઈ ગયું હશે. ક્રાઈમ બ્રાન્ચનાં DCPએ આરોપી સાહિલ ગહલોતને 5 દિવસની રિમાન્ડ પર મૂકેલ છે.
Nikki Yadav murder case | The accused is on remand for 5 days. Inquiry is on. Our multiple teams are working to identify the route taken that night. We are also scanning CCTV footages: DCP Crime Branch Satish Kumar pic.twitter.com/N36yWaplkh
ક્રાઈમ બ્રાન્ચનાં DCP સતિષ કુમારે જણાવ્યું કે આરોપી સાહિલ ગહલોતને 5 દિવસની રિમાન્ડ પર મૂકવામાં આવેલ છે. તપાસ ચાલુ જ છે. અમારી ટીમો આ કેસ પર તે દિવસે લીધેલા રૂટની તપાસ કરી જ રહી છે. અમે અનેક CCTV ફુટેજને પણ સ્કેન કરી રહ્યાં છીએ.
2 cctv ફુટેજ મળી આવી હતી
નિક્કી મર્ડર કેસમાં 2 સીસીટીવી ફુટેજ સામે આવી છે. આ ફુટેજ 9 ફેબ્રુઆરીની છે. પહેલી ફુટેજ બપોરે 1 વાગ્યાની છે અને બીજી ફુટેજ રાત્રે 9 વાગ્યાની છે. માહિતી અનુસાર બીજી ફુટેજ મૃત્યુ પહેલાની છે. આ ફુટેજમાં નિક્કી ઘરે પાછી આવતી દેખાય છે.
શું છે સમગ્ર મામલો?
રાજધાની દિલ્હીના બાબા હરિદાસ નગર વિસ્તારમાં નિક્કી યાદવની નિર્દયતાથી હત્યા કરવામાં આવતા હડકંપ મચી ગયો છે. આ તરફ યુવતીના પ્રેમીએ તેની લાશને ઢાબાના ફ્રીજમાં સંતાડીને રાખવામાં આવી હતી. જ્યારે પોલીસે તપાસ શરૂ કરી તો જાણવા મળ્યું કે, આરોપી બોયફ્રેન્ડે તેના લિવ-ઈન પાર્ટનરની નિર્દયતાથી હત્યા કરી હતી. પહેલા મોબાઈલ કેબલનો ઉપયોગ કરીને ગળું દબાવીને હત્યા કરી અને પછી લાશનો નિકાલ કર્યો. હવે આ આરોપીએ ન માત્ર હત્યા કરી પરંતુ અન્ય એક યુવતી સાથે સાત ફેરા પણ લીધા હોવાનું સામે આવતા ચકચાર મચી ગઈ છે.
બોયબ્રેન્ડનું કાવતરું કેવી રીતે ખુલ્લુ પડ્યું ?
પોલીસના જણાવ્યા અનુસાર સાહિલ ગેહલોતે 9 ફેબ્રુઆરીએ નિક્કીની હત્યા કરી હતી. વાત જાણે એમ છે કે, નિક્કીને ખબર પડી કે તેનો બોયફ્રેન્ડ સાહિલ બીજી છોકરી સાથે લગ્ન કરવા જઈ રહ્યો છે. જે બાદમાં બંને વચ્ચે ઝઘડો શરૂ થયો. તે દલીલને કારણે સાહિલ ગેહલોત ગુસ્સામાં આવી ગયો હતો અને તેણે મોબાઈલના કેબલ વડે નિકીની ગળું દબાવીને હત્યા કરી હતી. સાહિલે કારમાં જ આ સમગ્ર ઘટનાને અંજામ આપ્યો હતો.