દિલ્હી / PM મોદીના ભત્રીજીના બેગ સ્નેચિંગનો કેસ પોલીસે 24 કલાકમાં જ ઉકેલી નાખ્યો

• PM મોદીના ભત્રીજીના બેગ સ્નેચિંગ મામલો
• પોલીસે 24 કલાકમાં ઉકેલ્યો ચોરીનો ભેદ
• 200 CCTV કરાયા ચેક 

નોંધનીય છે કે, આ ઘટનાના માત્ર 24 કલાકમાં પર્સ ચોરી કરીને ભાગનાર 2 શખ્સને ઝડપી લીધા છે. જે મહિલાનું પર્સ ચોરી થયું હતું તે અન્ય કોઈ પણ પ્રધાનમંત્રી નરેન્દ્ર મોદીના ભત્રીજી દમયંતી મોદીનું હતું. 

30 સપ્ટેમ્બરે દિલ્હીમાં સ્નેચિંગના 4762 કેસ નોંધાયા

તેમના પર્સમાં 56 હજાર રોકડા અને મહત્વના ડોક્યુમેન્ટ હતા. 30 સપ્ટેમ્બર બાદ દિલ્હીમાં સ્નેચિંગના 4762 કેસ નોંધાયા હતા. જોકે આ કેસને ઉકેલવા માટે પોલીસની ઉંઘ હરામ થઈ ગઈ હતી. 

દિલ્હીના ગુજરાતી સમાજ ભવન નજીક બની ઘટના

સ્થાનિક પોલીસના જણાવ્યા મુજબ, પ્રધાનમંત્રી નરેન્દ્ર મોદીની ભત્રીજી દમયંતી બહેન મોદી શનિવારે સવારે અમૃતસરથી દિલ્હી પરત ફર્યા હતા. તેમનો રૂમ સિવિલ લાયન્સ સ્થિત ગુજરાતી સમાજ ભવનમાં બુક હતો. તેઓ જુની દિલ્હીથી ઓટો દ્વારા પરિવાર સાથે ગુજરાતી ભવન પહોંચ્યા હતા. દરવાજા પર ઉતરતા જ સ્કુટીમાં સવાર 2 બદમાશોએ તેમનું પર્સ છીનવીને ફરાર થઇ ગયા હતા. 

પર્સમાં 56 હજાર રોકડ અને અન્ય અમાનત પણ હતી 

નોંધનીય છે કે, પર્સમાં આશરે 56 હજાર રૂપિયા હતા. 2 મોબાઇલ તથા અગત્યના દસ્તાવેજો હતા, સાંજે તેમને અમદાવાની ફ્લાઇટ પકડવાની હતી. ડીસીપી નોર્થ મોનિકા ભારદ્વાજે જણાવ્યું કે, પોલીસે FRI નોંધીને પર્સ ચોરી કરનારની શોધખોળ હાથ ધરી હતી.