અમદાવાદના ઓઢવ વિસ્તારમાં પરિણીતા સાથે લૂંટ ચલાવી ગેંગરેપ કરનાર બે આરોપીને પોલીસે ગણતરીના કલાકોમાં ઝડપી પાડ્યા. આવ્યા હતા લૂંટ કરવા, પણ મહિલાને એકલી જોઈ દુષ્કર્મ આચર્યું
ઓઢવમાં પરિણીતાના ગેંગરેપનો મામલો
બન્ને આરોપી પોલીસના સકંજામાં
પોલીસે ગણતરીના કલાકોમાં આરોપીને ઝડપ્યા
અમદાવાદના ઓઢવ વિસ્તારમાં પરિણીતા સાથે લૂંટ ચલાવી ગેંગરેપ કરનાર બે આરોપીને પોલીસે ગણતરીના કલાકોમાં ઝડપી પાડ્યા છે. પરિણીતા જ્યારે ઘરમાં એકલી હતી તે દરમ્યાન આરોપીઓએ તેની એકલતાનો લાભ ઉઠાવી જબરદસ્તી રીતે ઘરમાં ઘુસી ગયા હતા બન્ને ઈસમો લૂંટને અંજામ આપવા આવ્યા હતાં પરંતુ મહિલાના એકલાતોનો લાભ ઉઠાવી નરાધમોએ તેને પીંખી નાખી હતી ફરીયાદ મુજબ યુવતીને એક આરોપીએ પકડી રાખી હતી અને બીજા શખ્સે તેની ઉપર બળાત્કાર ગુજાર્યો હતો. દરમ્યાન મહિલાએ પ્રતિકાર કર્યો ત્યારે આરોપીઓએ તેને બ્લેડના ઘા મારી ઘાયલ કરી દીધી હતી ઈજાગ્રસ્ત મહિલાએ બુમાબુમ કરી દેંતા આરોપીઓ મોબાઈલની લૂંટ ચલાવી નાસી છુટ્યા હતા. બાદમાં ઈજાગ્રસ્ત મહિલાને સારવાર માટે હોસ્પિટલે ખસેડાઈ હતી.
પોલીસે દાખવી ત્વરા
ઓઢવ પોલીસ મથકે આ ઘટનાની જાણ થતાં પોલીસે સઘન તપાસ હાથ ધરી હતી. જેમાં યુવતીએ આરોપીઓની જે ઓળખ આપી હતી તેના આધારે પોલીસે મોબાઈલ ચોર, લૂંટારા અને નશો કરતાં આરોપીઓનુ લિસ્ટ મેળવી તપાસની તજવીજ હાથ ધરી હતી આ લીસ્ટમાંથી એક મોબાઈલ ચોરના ચહેરાની ઓળખ યુવતીએ કરી લેતા, પોલીસે મોબાઈલ ચોરની અટકાયત કરી કડક પુછપરછ કરતાં ગુનાનો ભેદ ઉકેલાયો હતો જેમાં બન્ને આરોપીની ધરપકડ કરી લેવામાં આવી હતી આરોપીઓએ પોતાના કબુલનામા જણાવ્યુ હતુ કે તેઓ લૂંટના ઈરાદે મહિલાના ઘરે પહોંચ્યા હતા પરંતુ મહિલા ઘરમાં એકલી હોઈ તેની સાથે દુષ્કર્મ આચર્યુ હતુ.
આરોપીઓ ઝડપાયા
ઓઢવ વિસ્તારમા થયેલ લૂંટ અને દુષ્કર્મ જેવા ગંભીર ગુનાની તપાસમાં એક પોલીસ કોન્સ્ટેબની સતર્કતા અને માહિતીથી પોલીસ વિભાગ ગણતરીના કલાકોમાં આરોપી સુધી પહોંચી ગયુ હતુ. પોલીસ કોન્સ્ટેબલની સતર્કતાને પગલે નરાધમોને જેલના સળિયા પાછળ ધકેલવામાં સફળતા મળી છે. જેથી ઉચ્ચ પોલીસ અધિકારીઓએ ઇનામ દ્વારા પોલીસ કર્મચારીને પ્રોત્સાહન આપવાની જાહેરાત કરી છે.