ન્યુજર્સીથી લંડન આવતી એરલાઇન્સની ઓવરનાઈટ ફ્લાઈટમાં એક મહિલા સાથે દુષ્કર્મ થયુ. આ ઘટના 31 જાન્યુઆરીની છે, પરંતુ મીડિયાને અત્યારે માહિતી અપાઈ છે. મહિલાની ફરિયાદને આધારે આરોપીની એરપોર્ટ પરથી જ ધરપકડ કરવામાં આવી છે. જો કે, પોલીસે પ્રાથમિક પૂછપરછ કર્યા બાદ આરોપીને જામીન પર મુક્ત કરવામાં આવ્યો છે.
એરલાઈન્સની ઓવરનાઈટ ફ્લાઈટમાં એક મહિલા સાથે દુષ્કર્મ થયુ
મહિલાની ફરિયાદને આધારે આરોપીની એરપોર્ટ પરથી જ થઈ ધરપકડ
પોલીસે પ્રાથમિક પૂછપરછ કર્યા બાદ આરોપીને જામીન પર મુક્ત કર્યો
શું છે મામલો?
મીડિયા રિપોર્ટ મુજબ, 31 જાન્યુઆરીએ યુનાઈટેડ એરલાઇન્સની એક ઓવરનાઈટ ફ્લાઈટ ન્યૂજર્સીથી ઉપડી હતી. આ ફ્લાઇટના બિઝનેસ ક્લાસમાં 40 વર્ષની એક બ્રિટિશ નાગરિક મુસાફરી કરી રહી હતી. રાત્રિના સમયે બિઝનેસ ક્લાસમાં જ એકલી મુસાફરી કરતી મહિલા સાથે આરોપીએ દુષ્કર્મ આચર્યુ. આ દરમ્યાન અન્ય મુસાફરો ગાઢ નિંદ્રામાં હતા. મહિલાએ ઘટનાની માહિતી ફ્લાઈટના ક્રૂ-મેમ્બર્સને આપી હતી. ત્યારબાદ સમગ્ર માહિતી પોલીસને આપવામમાં આવી. ફ્લાઈટ જેવી લંડનના હિથ્રો એરપોર્ટ પર લેન્ડ થઈ કે તરત જ આરોપીની ધરપકડ કરાઈ.
આરોપીને જામીન મળ્યા
પોલીસે ફ્લાઈટમાં જઇને પુરાવા એકઠા કર્યા. લંડનની મેટ્રોપોલિટન પોલીસે આ ઘટનાની પુષ્ટિ કરી છે. પોલીસે કહ્યું હતું કે આ મામલે તપાસ કરવામાં આવી રહી છે. મહિલાની મેડિકલ તપાસ પણ કરવામાં આવી છે. પોલીસે આરોપીની ધરપકડ કરીને ફ્લાઈટમાં જઇને પુરાવા એકત્રિત કર્યા.
આરોપી અને મહિલાએ ફ્લાઈટમાં ડ્રીન્ક પણ શેર કરી
એક મીડિયા રિપોર્ટ મુજબ, પીડિત મહિલા અને આરોપી એકબીજાને પહેલેથી ઓળખતા નહોતા. પરંતુ ફ્લાઈટ દરમ્યાન તેઓ એકબીજાની સાથે વાતચીત કરતા હતા અને ડ્રીન્ક પણ શેર કરી હતી. પોલીસે કેબિનની તપાસ કરી અને પુરાવા એકત્રિત કર્યા.