દિલ્હીના જહાંગીરપુરી હિંસાના આરોપી અંસારે કોર્ટમાં લઈ જતી વખતે બેશરમીની તમામ હદ પાર કરી નાખી હતી.
જહાંગીરપુરી હિંસાના આરોપી અંસારની બેશરમી
કોર્ટમાં હાજર કરતી વખતે કહ્યું ફિલ્મ પુષ્પા વાળું કામ કર્યું
આરોપી અંસાર સતત હસતો રહ્યો, પાપનો કોઈ પસ્તાવો નહોતો
અંસાર અને અસલમ હનુમાન જયંતિ શોભાયાત્રા પર હુમલાના છે આરોપી
કોર્ટે બન્ને આરોપીને એક દિવસની પોલીસ કસ્ટડીમાં સોંપ્યાં
દિલ્હીના જહાંગીરપુરી હિંસાના આરોપી અંસારને કોર્ટમાં જ્યારે કોર્ટમાં રજૂ કરવા માટે લઈ જવાઈ રહ્યો હતો ત્યારે તેણે બેશરમીની સાર હદ પાર કરતું કામ કર્યું હતું. જે સમયે આરોપી અંસારને રોહિણી કોર્ટમાં રજૂ કરવા માટે લઈ જવાઈ રહ્યો હતો ત્યારે કોર્ટ પરિસરમાં પ્રવેશદ્વાર પર મીડિયાને જોઈને અંસારે ફિલ્મી અંદાજમાં પુષ્પાવાળું એક્શન કર્યું. એટલું જ નહીં પરંતુ આરોપી સતત હસતો જોવા મળ્યો હતો જાણે તેને તેના પાપનો કોઈ પસ્તાવો ન હોય. તેના ચહેરા પરથી સ્પસ્ટ જોઈ શકાતું હતું કે તેને કંઈ પડી નથી અને તેને પોલીસ કાર્યવાહીનો પણ કોઈ ડર નથી.
અત્યાર સુધીમાં 20 આરોપીની અટકાયત
દિલ્હી હિંસા કેસમાં પોલીસે અત્યાર સુધીમાં 20 લોકોની અટકાયત કરી હોવાની માહિતી મળી છે. જેમાં બે કિશોરોનો પણ સમાવેશ થાય છે. પોલીસે એમ પણ કહ્યું હતું કે, અટકાયત કરાયેલા લોકોમાં બંને સમુદાયોના લોકોનો સમાવેશ થાય છે. પોલીસના જણાવ્યા મુજબ આરોપીઓના કબજામાંથી ત્રણ દેશી કટ્ટે અને પાંચ તલવારો મળી આવી છે. વધુ તપાસ ચાલુ છે. નોંધનીય છે કે આ કેસની તપાસ દિલ્હી પોલીસની ક્રાઇમ બ્રાંચને સોંપવામાં આવી છે.
આવા તત્વોને કડક સજા કરો-લોકોની પ્રતિક્રિયા
વીડિયો સામે આવ્યાં બાદ લોકોએ આરોપીની આ હરકત પર ઉગ્ર પ્રતિક્રિયા વ્યક્ત કરી હતી અને આવા આરોપીને કડક સજા કરવાની માગ ઉઠાવી હતી.