લોકસભા ચૂંટણી 2019ના ચોથા તબક્કાનું મતદાન આજે દેશભરમાં યોજાઇ રહ્યું છે. યૂપીના કન્નોજમાં ઈવીએમ ખરાબ થયા હોવાનો આરોપ સપાએ લગાવ્યો છે. સપાએ આ મામલે સતત ટ્વીટ કર્યા છે અને ચૂંટણી પંચને પણ ફરિયાદ કરી છે. સમગ્ર ઘટના જોઇએ આ અહેવાલમાં.
લોકસભા ચૂંટણીના ચોથા તબક્કામં મતદાન યોજાયુ છે. ત્યારે યૂપીના કન્નોજમાં ઈવીએમ ખરાબ થયા હોવાનો આરોપ સપાએ લગાવ્યો છે. ઉત્તરપ્રેદશની હાઈપ્રોફાઈલ લોકસભા સીટ કન્નોજમાં અનેક જગ્યાએ ઈવીએમમાં ગડબડ હોવાનો આરોપ સપાએ લગાવ્યો છે.
સપાએ આ મામલે સતત ટ્વીટ કર્યા છે અને ચૂંટણી પંચને પણ ફરિયાદ કરી છે. સપાના ટ્વીટર એકાઉન્ટ પર ઉલ્લેખ કરવામાં આવ્યો છે કે, કન્નોજ લોકસભા બેઠકના છિબરામઉ, બિધૂના અને સદર સહિત અનેક જગ્યાએ ઈવીએમ કામ કરી રહ્યા નથી.
ઉલ્લેખનીય છે કે, અખિલેશ યાદવની પત્ની ડિમ્પલ યાદવ કન્નોજ બેઠક પરથી ચૂંટણી લડી રહ્યા છે. સપાએ ટ્વીટ પર લખ્યુ છે કે, બિધૂના બૂથ નંબર 63, છિબરામઉમાં બૂથ નંબર 58, 86, 87, 88, 396 સહિત અનેક જગ્યાએ ઈવીએમ ખરાબ છે અથવા તો મતદાન શરૂ થયુ નથી.