આગાહી / હવે સ્વેટર ધાબળા સંકેલીને મૂકી દેજો! હવામાન વિભાગે કરી દીધી આ મોટી આગાહી...

• રાજ્યમાં ગરમીને લઈને હવામાન વિભાગની આગાહી
• આગામી દિવસોમાં ગરમીનો પારો 35 ડિગ્રી પહોંચી તેવી વકી 
• માર્ચના બીજા સપ્તાહ સુધી બેવડી ઋતુની અસર રહેશે 

સમગ્ર રાજ્યમાં ધીમે ધીમે ઠંડીનું પ્રમાણ ઓછું થવા લાગ્યું છે. જેને લઈને સ્વેટર ધાબળાને સંકેલીને મૂકી દેવાનો સમય આવી ગયો છે અને કુલર, પંખા તેમજ એસીને શરુ કરવાનો સમય આવ્યો છે. 

રાજ્યમાં ગરમીને લઈને હવામાન વિભાગની આગાહી

રાજ્યના હવામાન વિભાગના જણાવ્યા અનુસાર આગામી દિવોસોમાં અમદાવાદ સહિત સમગ્ર રાજ્યમાં આગામી દિવસોમાં ગરમીનો પારો 35 ડિગ્રી પહોંચશે તેવી સંભાવના છે.જો કે, હજુ રાજ્યના ઘણા વિસ્તારોમાં રાત્રે તેમજ વહેલી સવારે ઠંડીનો અનુભવ થાય છે પરંતુ બપોરેના ભાગે તો તડકો આકરું સ્વરુપ લઈ રહ્યો છે. જોકે હજુ સુધી તો આ તાપ અસહ્ય નથી બન્યો પરંતુ બપોરના સમયે બહાર નીકળતા પરસેવો જરુર વળી જાય છે. તેમજ માર્ચ મહિનાના બીજા સપ્તાહ સુધી સમગ્ર રાજ્યમાં બેવડી ઋતુની અસર રહેશે. 

માર્ચના બીજા સપ્તાહ સુધી બેવડી ઋતુની અસર રહેશે 

હવમાન વિભાગના સુત્રોના જણાવ્યા અનુસાર, આગામી માર્ચ મહિનાના બીજા સાપ્તાહથી રાજ્યમાં ગરમીનો પારો 35 થી 40 ડિગ્રીને પાર કરશે. આગામી 48 કલાકમાં જ ધીરે ધીરે ગરમીમાં વધારો થશે પારો 35 ડિગ્રીને પાર કરશે. જો કે રાજ્યમાં હવે ગાત્રો થીજવતી ઠંડીની શકયતા નહિવત રહેલી છે