હવામાન વિભાગે આગાહી મુજબ ગુજરાતમાં વરસાદની પધરામણી થઈ ચૂકી છે, ગુજરાતવાસીઓ કાગડોળે વરસાદની રાહ જોઈ રહ્યા છે ત્યારે વડોદરામાં વરસાદી મહેર જોવા મળી છે
વડોદરામાં વરસાદ વરસ્યો, હવામાન વિભાગની આગાહી
વડોદરામાં લાંબા વિરામ બાદ ફરી શરૂ થયો વરસાદ
શહેરના અનેક વિસ્તારમાં વરસાદનું ફરી આગમન
ખેડૂતો સહિત ગુજરાતવાસીઓ માટે વરસાદની ખૂબ આતુરતાથી રાહ જોઈ રહયા છે ત્યારે વરસાદને લઈ ખુશીના સમાચાર આવી રહ્યા છે વડોદરામાં વરસાદનું આગમન થઈ ચૂક્યું છે. શહેરના અનેક વિસ્તારમાં વરસાદનું ફરી આગમન થયું છે. વડોદરાના સમા, કરેલીબાગ, VIP રોડ, એરપોર્ટ વિસ્તારમાં વરસાદ વરસાદ ભારે બફારામાંથી લોકોને રાહત મળી છે. હાલમાં હરણી, નિઝામપુરા, છાણી વિસ્તારમાં હજુ પણ વરસાદ વરસી રહ્યો છે. મહત્વનું છે કે હવામાન વિભાગે 2 દિવસ વરસાદની આગાહી કરી છે ત્યારે વડોદરામાં થયેલ આ સુકન સમગ્ર ગુજરાતમાં વરસાદ લાવશે તેવી લોકો આશા રાખી રહ્યા છે. ચોમાસાના અંતમાં ઘણી રાહ જોયા બાદ પડેલ વરસાદમાં બાળકો સહિત વડોદરા શહેરીજનો રસ્તા પર વરસાદની મજા માણવા ઉતરી ગયા છે. વડોદરા આસપાસના ખેડૂતો વરસાદ વરસાતા કિલ્લોલ માં આવી ગયા છે. ખેડૂતોની બળતા પાકને જીવતદાન મળશે તેવું વરસાદના વરતારાથી દેખાઈ રહ્યું છે.
હવામાન વિભાગની આગાહી
રાજ્યમાં હવામાન વિભાગનું અનુમાન 30 અને 31 ઓગસ્ટે દક્ષિણ ગુજરાતમાં સામાન્યથી મધ્યમ વરસાદ પડી શકે. ફરી એક વખત હવામાન વિભાગે વરસાદને લઈ આગાહી કરી છે, સપ્ટેમ્બરની શરૂઆતમાં સિસ્ટમ બને તો સારો વરસાદ પાડવાઆણી શક્યતાઓ છે. ઓગસ્ટના અંતમાં વરસાદી સિસ્ટમ સક્રિય થાય તેવા એંધાણ હવામાન વિભાગે આપ્યા છે. હવામન વિભાગના ડિરેક્ટર મનોરમા મોહન્તી જણાવ્યા અનુસાર 30 અને 31 ઓગસ્ટે દક્ષિણ ગુજરાતમાં સામાન્યથી મધ્યમ વરસાદ વરસી શકે છે.
29 ઓગસ્ટથી દેશના મધ્યભાગમાં ચોમાસુ સક્રિય થયું: અંબાલાલ
29 થી 31 ઓગસ્ટ દરમિયાન રાજ્યમાં સારો વરસાદ પડે તવું અનુમાન સેવવામાં આવ્યું છે. હવામાન નિષ્ણાંત અંબાલાલ પટેલના જણાવ્યા અનુસાર 29 ઓગસ્ટથી રાજ્યના હવામાનમાં પટલો આવશે જે બાદ 6 સપ્ટેમ્બરથી મધ્ય ગુજરાતમાં સારો વરસાદ પડે તેવી આગાહી વ્યક્ત કરવામાં આવી છે. જ્યારે કોઈ કોઈ ભાગોમાં વરસાદી ઝાપટા પડી શકે છે.