વેસ્ટર્ન ડિસ્ટર્બન્સ હટી જતા ગતરોજ અમદાવાદ સહિત મોટા ભાગના શહેરોમાં બપોરે ગરમીનું પ્રમાણ જોવા મળ્યું હતું. જેથી હવામાન વિભાગ દ્વારા આગાહી કરવામાં આવી છે કે હવે રાજ્યમાં રાતે ઠંડી અને બપોરે ગરમીનો અનુભવ થશેે.
વેસ્ટર્ન ડિસ્ટર્બન્સ હટતા ઠંડીનું પ્રમાણ પણ ઓછું
બપોરમાં ગરમી અને રાતે ઠંડીનો ચમકારો જોવા મળશે
અમદાવાદ સહિત મોટા ભાગના શહેરોમાં ગરમીનું પ્રમાણ વધ્યું
હવામાન વિભાગ દ્વારા વેસ્ટર્ન ડિસ્ટર્બન્સને લઈને રાજ્યમાં ઠંડીની આગાહી કરવામાં આવી હતી. જોકે આ વેસ્ટર્ન ડિસ્ટર્બન્સની અસર ઘટતી જોવા મંળી રહી છે. ગતરોજ બપોરના સમયે મોટાભાગના શહેરોમાં તાપમાન વધેલું જોવા મળ્યું હતું. જેથી હવે અમદાવાદની સાથે મોટા ભાગના શહેરોમાં ગરમી વધશે તેવું હવામાન વિભાગનું કહેવું છે.
ગાંધીનગરનું તાપમાન સૌથી ઓછું
ગાંધીનગરનું તાપમાન કાલે 9.6 ડિગ્રી નોંઘાયું હતું અને રાજ્યમાં કાલે સૌથી ઓછું તાપમાન અહીયાજ નોંધાયું હતું. અમદાવાદમાં સવારે ઠંડીનું પ્રમાણ જોવા મળ્યું પરંતુ બપોર પછીથી ગરમીમાં પણ વધી હતી.
અમદાવાદમાં બપોર પછી ગરમી
સવારના સમયે અમદાવાદનું તાપમાન 1.1 ડિગ્રી ઘટી ગયું અને 11.1 ડિગ્રી તાપમાન નોંધાયું હતું જ્યારે બપોરના સમયે અમદાવાદનું તાપમાન 2.1 ડિગ્રી વધીને 32 ડિગ્રી નોંધાયું હતું. જેથી આજથી અમદાવાદમાં એવી શક્યાતા છે કે તાપમાનમાં 2 થી 3 ડિગ્રીનો વધારો થયેલો જોવા મળી શકે છે. જેથી ગરમી પણ વધી શકે છે.
આગામી 24 થી 28 કલાકમાં ગરમી વધશે
ઉલ્લેખનીય છે કે હવામાન વિભાગના કહેવા પ્રમાણે આગામી 24 થી 48 કલાકમાં રાજ્યમાં ગરમી વધશે. રાજ્યના મોટા ભાગના શહેરોમાં ગરમી વધવાની શક્યતા છે. જોકે રાત્રીના સમયે ઠંડીનો ચમકારો પણ જોવા મળશે એટલે કે હવે રાજ્યના લોકોને બેવડી ઋતુનો માર સહન કરવો પડશે જેમા બપોરે ગરમી અને રાત્રે ઠંડીનો અનુભવ થશે.