IRTCના એક રિપોર્ટ પ્રમાણે ટ્રેનોમાં ઓનલાઈન ફૂડના ઓર્ડરમાં દેશના TOP-10 સ્ટેશનોમાં ગુજરાતનાં 3 શહેરના સામેલ થયા
ભારતીય રેલવેની મુસાફરીમાં ઓનલાઈન ફૂડ ઓર્ડરનો ટ્રેન્ડ ખૂબ વધ્યો
દેશમાં વડોદરા અને અમદાવાદ અનુક્રમે 8માં અને 10માં નંબર પર
કોરોના કેસ ઘટતા ઓનલાઇન ફૂડનો ટ્રેન્ડ વધ્યો
ભારતીય રેલવેની મુસાફરીમાં ઓનલાઈન ફૂડ ઓર્ડરનો ટ્રેન્ડ ખૂબ વધ્યો
ગુજરાતીઓમાં ટ્રેનોની મુસાફરીમાં ઘરેથી ટિફિન લઈ જવાની ટ્રેન્ડ છે. પરંતુ હવે લાંબી મુસાફરીમાં લોકો રેલવેની કેટરિંગ સેવાનો લાભ લે છે. અને તેમાં પણ ઓનલાઈન ફૂડ ઓર્ડરનો ટ્રેન્ડ ખૂબ જ વધ્યો છે. હાલમાં જ જાહેર થયેલા IRCTCના રિપોર્ટ મુજબ, ટ્રેનોમાં યાત્રા સમયે ઓનલાઇન ફૂડ ઓર્ડર કરવામાં દેશના ટોપ 10 રેલવે સ્ટેશનમાં ગુજરાતના 3 સ્ટેશન છે.
દેશમાં વડોદરા અને અમદાવાદ અનુક્રમે 8માં અને 10માં નંબર પર
જેમાં સુરત દેશમાં 5મા અને રાજ્યમાં પહેલા ક્રમે છે. એ પછી વડોદરા અને અમદાવાદ અનુક્રમે 8માં અને 10માં નંબર પર તેમજ રાજ્યમાં બીજા અને ત્રીજા નંબર પર આવ્યા છે. જ્યારે દેશમાં ટોપ 10માં સૌથી પહેલા નંબર પર મધ્યપ્રદેશનું ઇટારસી રેલવે સ્ટેશન, બીજા નંબર પર મહારાષ્ટ્રનું નાગપુર રેલવે સ્ટેશન અને ત્રીજા નંબર પર ભોપાલ રેલવે સ્ટેશન આવ્યું છે.
કોરોના કેસ ઘટતા ઓનલાઇન ફૂડનો ટ્રેન્ડ વધ્યો
અત્રે ઉલ્લેખનીય છે કે, આ રેન્કિંગ લિસ્ટ દર મહિને રેલવે સ્ટેશનોથી સપ્લાઇ થતાં મીલની સંખ્યાને ધ્યાને રાખી તૈયાર કરાય છે. દેશના 300 સ્ટેશન પર ઓનલાઇન ફૂડ સપ્લાઇ સેવા કાર્યરત છે. જ્યાંથી દરરોજ 21 હજારથી વધારે ફૂડ ઓર્ડરનો સપ્લાઇ થઈ રહ્યો છે, જેને 1800થી વધુ વિક્રેતાઓ બનાવીને સપ્લાઇ કરી રહ્યા છે. રેલવે પાસે 11 એગ્રિગેટર છે. જ્યારે પેમેન્ટ એપ જેવી કંપનીઓ પણ રેલવે સાથે બી-2-સી બિઝનેસ તરીકે સંકળાયેલી છે.
ઓનલાઇન બુક થતા ફૂડ ઓર્ડર ટ્રેનોમાં આ રીતે સપ્લાય થાય છે
દેશના 300 જેટલા રેલવે સ્ટેશનો પરથી 21 હજારથી વધુ ફૂડ ઓર્ડરનો સપ્લાય કરાયા છે. ટ્રેનોમાં રોજનો ફૂડ ઓર્ડર સપ્લાય કરવા માટે 1800થી વધુ વિક્રેતાઓ છે.
રેન્ક રાજ્ય સ્ટેશન માસિક મીલ
1 મધ્યપ્રદેશ ઇટારસી 18,000
2 મહારાષ્ટ્ર નાગપુર 17,000
3 મધ્યપ્રદેશ ભોપાલ 16,000
4 આંધ્ર પ્રદેશ વિજયવાળા 15,800
5 ગુજરાત સુરત 14,800
6 મહારાષ્ટ્ર ભુસાવલ 12,200
7 મધ્યપ્રદેશ રતલામ 12,000
8 ગુજરાત વડોદરા 11,700
9 ઉત્તર પ્રદેશ ઝાંસી 11,400
10 ગુજરાત અમદાવાદ 11,000