જ્યોતિષશાસ્ત્ર મુજબ મોરપંખથી કરો આ ઉપાય થઇ જશો માલામાલ

જ્યોતિષશાસ્ત્ર મુજબ મોરપંખને નવગ્રહનું પ્રતિક પણ માનવામાં આવે છે. એવી માન્યતા છે કે મોરપંખ તમને આસપાસ રહેવા માટે નકારાત્મક શક્તિઓનો પ્રભાવ ઓછો કરે છે. 

સંધ્યા નામનો અસુર એકવાર પોતાની ઘોર તપસ્યાથી શિવજીને પ્રસન્ન કરી અનેક પ્રકારની શક્તિઓ વરદાનમાં પ્રાપ્ત કરી હતી. જે પછી ભગવાન વિષ્ણુના ભક્તો પર અત્યાચાર કરીને તેમની પાસેથી સ્વર્ગ છીનવી લઈ આધિપત્ય જમાવી દીધું હતું. 

આથી અસુરથી ત્રસ્ત થઈ ગયેલા દેવી-દેવતાઓ અને નવગ્રહ મોરપંખમાં સ્થાપિત થઈ ગયા. તે મોરપંખથી જ અસુરનો વધ થયો. ત્યારથી મોરપંખને પવિત્ર માનવામાં આવે છે. 



પૈસાની તંગીને કરે છે દૂર:
જો તમે તમારા વેપારમાં ઉન્નતિનો માર્ગ પ્રશસ્ત કરવા ઈચ્છતા હોય તો તમારી ઓફિસમાં કે દુકાનમાં દક્ષિણ- પૂર્વ દિશામાં એક મોરપંખ લગાવીને જુઓ. શાસ્ત્ર અનુસાર આવા ઘર- પરિવારની આર્થિક સ્થિતિ સુધરે છે. પૈસાની ગમે તેવી તંગી હોય તે દૂર થઈ જાય છે.

મોરપંખ શત્રુઓને બનાવી દે છે મિત્ર:
એવી માન્યતા છે કે મોરપંખ શત્રુઓને પણ મિત્ર બનાવી દેવાની છૂપી શક્તિ ધરાવે છે. એવું માનવામાં આવે છે કે જો તમે મહાબલિ હનુમાનના મસ્તક પરથી સિંદૂર લઈને જે વ્યક્તિ સાથે તમારા સંબંધો કટૂ ચાલતા હોય તેના નામ પંખ ઉપર લખો. એ પછી રાતભર તે મોરપંખને ઘરમંદિરમાં મૂકી રાખો. બીજે દિવસે સવારે જળમાં પ્રવાહિત કરી દો. તો તેનાથી અચૂક લાભ મળે છે.

બગડેલા કાર્યોને સંવારે મોરપંખ:
ભગવાન શ્રીકૃષ્ણના મુગટ પર વિદ્યમાન મોરપંખને સૌભાગ્યનું પ્રતીક માનવામાં આવે છે. આ કારણેથી જ મોરપંખને પૂજાસ્થાનમાં સ્થાન મળ્યું છે. તેનાથી લાભ થાય છે.

જેમ કે તમારે ઘણાં સમયથી કોઈ કાર્ય પૂરું કરવું હોય પણ તેમાં રુકાવટ આવતી હોય તો તમે બેડરૂમની પૂર્વ કે દક્ષિણ-પૂર્વદિશામાં મોરપંખ લગાવો. એનાથી બગડેલા કાર્યો બનતા નજરે પડે છે.



સકારાત્મક ઉર્જાનો થાય છે સંચાર:
મોરપંખને તમારા ઘરમાં સ્થાપિત કરવા માટે કોઈ પણ શુભ દિવસ પસંદ કરીને એવી જગ્યાએ રાખો કે જેથી ઘરમાંથી નિકળતાં અને ઘરમાં ઘુસતા સમયે તેના પર તમારી નજર પડે. આમ કરવાથી ઘરની નકારાત્મક શક્તિઓનો હ્રાસ થાય છે. સકારાત્મક ઉર્જાનો સંચાર થાય છે.

રાહુ દોષને દૂર કરે છે મોરપંખ:
જ્યોતિષશાસ્ત્ર પ્રમાણે મોરપંખનને વિશેષ પવિત્ર માનવામાં આવે છે. આ કારણે એવું કહેવામાં આવે છે કે જે જાતક કોઈ પણ રૂપે પોતાની સાથે મોરપંખને રાખે છે તેની સૂતેલી કિસ્મત જાગી જાય છે. હકીકતમાં આ રીતે મોરપંખ સાથે રાખવાથી કુંડળીમાં રહેલો રાહુદોષ દૂર થઈ જાય છે.



બાળકોમાં વધે છે એકાગ્રતા:
વિદ્યાર્થીઓના રૂમમાં કે પુસ્તકોમાં વચ્ચે મોરપંખ રાખવાથી બાળકની સ્મરણ શક્તિ તેજ થાય છે. તેની સાથે સાથે તેમની એકાગ્રતા કેળવાય છે. તેનાથી લાભ થાય છે. શાસ્ત્રોમાં જણાવાયું છે કે મંત્ર જાપની માળાને હમેંશા મોરપંખોની વચ્ચે રાખવી જોઈએ.

વાસ્તુશાસ્ત્ર પ્રમાણે ઘરના મુખ્યદ્વાર પર જ્યાં ગણેશની મૂર્તિ પ્રસ્થાપિત કરવામાં આવે છે ત્યાં મોરપંખથી સજાવવામાં આવે તો એવી માન્યતાઓ છે કે ઘરમાંથી વાસ્તુદોષ દૂર થઈ જાય છે.