Raksha Bandhan 2024 / રક્ષાબંધન પર ભૂલથી પણ બહેનને આ ગિફ્ટ ન આપતા, અશુભ સંકેત, સમય આવશે ખરાબ

Last Updated: 11:59 PM, 8 August 2024

FOLLOW ON

શેર કરો

હવે રક્ષાબંધનનો તહેવાર નજીક આવી રહ્યો છે, જેના ઉત્સાહમાં દરેક ભાઈ પોતાની બહેન માટે ગિફ્ટ્સ લેવાનું વિચારતા હશે. જ્યોતિષ શાસ્ત્ર પ્રમાણે ગિફ્ટ્સ ખરીદતા પહેલા આ બાબતોનું ધ્યાન રાખવું.

આપણાં દેશમાં વર્ષોથી ચાલી રહેલા ભાઈ-બહેનાં પ્રેમના પ્રતિક સ્વરૂપે રક્ષાબંધનનો તહેવાર ઉજવવામાં આવે છે. દર વર્ષે પૂનમના દિવસે આ તહેવાર ઉજવવામાં આવે છે. આ વર્ષે પણ 19 ઓગસ્ટ પૂનમે રક્ષાબંધનને ઉજવવામાં આવશે. આ દિવસે બહેન ભાઈને રાખડી બાંધશે અને ભાઈ પોતાની બહેનની રક્ષા કરવાનું વચન લેશે. આપણાં દેશના જ્યોતિષ શાસ્ત્રમાં પણ રક્ષાબંધન ઉલ્લેખ છે, જેમાં કયા મુહૂર્તે રાખડી બાંધવી ? તો ભદ્રાકાળમાં રાખડી બાંધવી અશુભ માનવામાં આવે છે. રાખડી બાંધ્યા પછી ભાઈ પોતાના પ્રેમભાવથી બહેનને ગિફ્ટ્સ આપે છે. ગિફ્ટ આપવાનું કારણ ભાઈ-બહેનનો એક-બીજા પ્રત્યેનો પ્રેમ હોય છે. આજે તો માર્કેટમાં ઘણા ગિફ્ટ્સ જોવા મળે છે જે તમે બહેનને આપી શકો છો પરંતુ આપણા જ્યોતિષ શાસ્ત્ર પ્રમાણે અમુક ગિફ્ટ્સને રક્ષાબંધન પર આપવા અશુભ માનવામાં આવે છે. તો આપણે જ્યોતિષ શાસ્ત્ર મુજબ કયા ગિફ્ટ્સ ન આપવા તેના વિશે માહિતી મેળવીશું.

કાળા રંગની ગિફ્ટ્સ ન આપવી

તમારી બહેન માટે રક્ષાબંધનમાં કપડાં કે અન્ય ગિફ્ટ્સ ખરીદવા ઈચ્છો છો તો કપડાં કે અન્ય ગિફ્ટ્સ કાળા રંગના ન હોય તેનું ખાસ ધ્યાન રાખવું. કાળો રંગ એ નકરાત્મકતાનું પ્રતિક છે. જો તમે તમારી બહેનને કળા રંગના કપડાં કે અન્ય ગિફ્ટ આપો છો તો જીવનમાં નકારાત્મક વાઈબ રહે છે.

બહેનોને બુટ-ચપ્પલ ન પણ આપવા

કોઈ પણ તહેવાર કે શુભ પ્રસંગે બુટ-ચપ્પલ ગિફ્ટ્સમાં ન આપવા. બુટ-ચપ્પલનો સીધો સંબંધ શનિદેવ સાથે હોવાથી તેને અશુભ માનવામાં આવે છે.

ધારદાર કે અણીવાળી ગિફ્ટ્સ આપવી નહીં

હિન્દુ ધર્મમાં ધારદાર અને અણીવાળી વસ્તુને ગિફ્ટ્સમાં આપવી અશુભ માનવામાં આવે છે. તમે પણ કોઈ ધારદાર કે અણીવાળી ગિફ્ટ આપવા જઈ રહ્યા હોય તો ગિફ્ટ બદલી નાખજો નહિતર સમસ્યાઓ વધી શકે છે. આવું કરવાથી જીવનમાં થતી પ્રગતિ અટકી શકે છે.