બનાસકાંઠા: ખિમાણા ઓવરબ્રિજ પર અકસ્માતની ઘટના સામે આવી છે. ખિમાણા ઓવરબ્રિજ પર ટેન્કર ડિવાઈડર સાથે અથડાતા અકસ્માત થયો હતો. ડિવાઈડર સાથે અથડાતા ટેન્કર બ્રિજ પર લટક્યું હતુ.
વહેલી સવારે ડ્રાઈવરને ઝોકુ આવતા અકસ્માત થયો હતો. આ ઘટનાની જાણ થતા પોલીસકર્મી ઘટના સ્થળે દોડી આવ્યા હતા. આ ટેન્કરમાં ડ્રાઇવર સાથે કંડક્ટર પણ હતો. બન્નેનો આબાદ બચાવ થયો છે.
મહત્વનું છે કે વહેલી સવારે જ્યારે ડ્રાઇવર ટેન્કર લઇ જઇ રહ્યો હતો ત્યારે તેને અચાનક ઝોંકુ આવી જતા ટેન્કર ડિવાઇડર સાથે અથડાયું હતું. જે દરમિયાન અધવચ્ચે ટેન્કર અટવાયું હતું.
આ અકસ્માતમાં ડ્રાઇવર-કંડક્ટરનો આબાદ બચાવ થયો છે. પરંતુ ડ્રાઇવરનું ઝોંકુ મોટી દુર્ઘટના પણ સર્જી શકત. ત્યારે લાપરવાહી અને મજબૂરીથી વાહન ચલાવવું ભયાનક બની શકે છે.