વડોદરા,અરવલ્લી, છોટાઉદેપુર તેમજ પાટણ જિલ્લામાં થયેલા ગોઝારા અકસ્માતમાં 7 લોકોના મોત નીપજયાં છે.
અરવલ્લીના ધનસુરા પાસે કાર અને બાઈક વચ્ચે અકસ્માત
છોટાઉદેપુરના બોડેલીમાં બાઇક અને ટ્રક વચ્ચે અકસ્માત
રૂપપુર ગામ નજીક કાર અને એક્ટિવા વચ્ચે અકસ્માત
અવાર-નવાર ઘટતી અકસ્માતની ઘટનામાં કેટલાક લોકોએ જીવ ગુમાવવો પડે છે તો કેટલાક લોકો ગંભીર રીતે ઘાયલ થતા હોય છે. ત્યારે આજે રાજ્યમાં ત્રણ અકસ્માતમાં બનાવો બન્યા છે જેમાં 4 લોકોને જીવ ખોવાનો વારો આવ્યો છે. અરવલ્લીના અકસ્માતમાં એક યુવકનું મૃત્યુ, છોટાઉદેપુર-બે લોકોના મૃત્યુ, પાટણ યુવતીનું મૃત્યુ અકસ્માતના ભોગે અકાળે મોત થયા છે.
વડોદરામાં ટેમ્પોમાં સવાર 3 કામદારોના દટાઈ જતા મૃત્યુ થયા
વડોદરાના લામડાપુર કેનાલ નજીક મોટી દુર્ઘટના ઘટી છે. રેલવેનો સામાન ભરીને જતો ટેમ્પો પલટતા 3 લોકોના કમકમાટી ભર્યા મોત નિપજ્યાં છે.રેલવેનો સામાલ સમલાયા તરફ લઈ જવાતો હતો. અચાનક જ ડ્રાઈવરે સ્ટેરિંગ પરથી કાબૂ ગુમાવતા ટેમ્પો પલટી ખાઈ ગયો હતો. જેમાં સવાર કામદારો રેલવેનો સામાન નીચે દબાઈ ગયા હતા. અકસ્માતની જાણ પોલીસને કરવામાં આવતા તાત્કાલિક ભાદરવા પોલીસનો સ્ટાફ ઘટનાસ્થળે દોડી આવ્યો હતો તેમજ આગળની કાર્યવાહી હાથ ધરી હતી.
ક્યાં બની અકસ્માતની ઘટનાઓ?
અરવલ્લીના ધનસુરા પાસે કાર અને બાઈક વચ્ચે થયેલા અકસ્માતમાં બાયડના ચોઇલા ગામના ચિરાગ સોલંકી નામના યુવકનું મોત નીપજ્યું છે. હાલ યુવકના મૃતદેહને પોસ્ટમોર્ટમ માટે મોકલી ધનસુરા પોલીસે વધુ કાર્યવાહી હાથધરી છે. તો બીજી તરફ છોટાઉદેપુરમાં બોડેલીના મોડાસર ચાર રસ્તા પર બિસ્માર રોડને કારણે બાઇક અને ટ્રક વચ્ચે અકસ્માત સર્જાતા ટ્રકની અડફેટે આવતા બાઈકસવાર કડાછલા ગામના એક વૃદ્ધ અને યુવકનું મૃત્યુ થયુ તો પાટણના ચાણસ્મા તાલુકાનાં રૂપપુર ગામ નજીક બેફામ દોડતા પેસેન્જર વાહને ચાણસ્માની કૉલેજથી છુટી ઘરે પરત જઈ રહેલ એક્ટિવાસવાર યુવતીને લીધી અડફેટે લેતા તેણીનું મૃત્યુ નીપજ્યું.અકસ્માત બાદ ઈકો કારચાલક કાર મુકીને ફરાર થયો.
રોડ-રસ્તા વિષે આ નિયમ પણ જાણી લેવા જરુંરી
ક્યાં બનાવી શકાય બમ્પ?
સ્કૂલ-કોલેજ, ધાર્મિક સ્થળ નજીક બમ્પ મુકાય
ટોલ બૂથ, સાંકડો પુલ હોય ત્યાં બમ્પ મુકી શકાય
રહેણાંક વિસ્તાર માટે સ્પીડ બ્રેકર્સનો ઉપયોગ
શહેરી હદ બહાર, હાઈસ્પીડ રસ્તા પર સ્પીડ બ્રેકર્સની જરૂર નહીં
નાના રસ્તા મોટા રસ્તામાં ભલે તો સ્પીડ બ્રેકર મુકી શકાય
બમ્પનું માપ કેટલું હોવું જોઈએ?
સ્પીડ બ્રેકરની ઉંચાઈ 10 સેન્ટિમીટરથી વધુ ન હોવી જોઈએ
સ્પીડ બ્રેકરની પહોળાઈ 5 મીટર હોવી જરૂરી છે
બે બમ્પ વચ્ચેનું અંતર 100થી 120 મીટર હોવુ જોઈએ
વાહન ચાલકને આગળ બમ્પ છે એ ખ્યાલ આવે તે માટે સૂચક બોર્ડ જરૂરી