ભુજ / ધાણેટી ગામ નજીક ટ્રક અને કાર વચ્ચે સર્જાયો અકસ્માત, 3ના મોત 8 ઇજાગ્રસ્ત

ભુજના ધાણેટી ગામ નજીક ટ્રક અને કાર વચ્ચે સર્જાયો ગમખ્વાર અકસ્માત, 3ના મોત, 8 ઇજાગ્રસ્ત, ઘાયલોને સારવાર માટે હોસ્પિટલ ખસેડાયા pic.twitter.com/kgxaP4eg38

— VTV Gujarati News (@VtvGujarati) April 29, 2019

મળતી માહિતી પ્રમાણે ભુજ-ભચાઉ હાઈવે પર વહેલી સવારે ભુજ તાલુકાના ધાણેટી ગામ પાસે અકસ્માત થયો હતો. અહીં આઈસર ટ્રક અને ઇકો કાર ધડાકાભેર અથડાઈ હતી. અકસ્માત એટલો ગંભીર હતો કે બે યુવતીઓ અને એક યુવાનનું ઘટનાસ્થળે જ મોત થયું હતું.

ધાણેટી ગામે જ્યારે વહેલી સવારે ઘટના બનતા લોકોના ટોળેટોળા ઉમટ્યા હતા, અને તેમને ઘટનાની જાણ પોલીસને કરી હતી. પોલીસ ઘટના સ્થળે પહોંચી આગળની તપાસ હાથ ધરી હતી, અને ઘટનામાં ભોગ બનેલા લોકોના મૃતદેહોને પીએમ અર્થે મોકલી આપ્યા હતા, જ્યારે આ ઘટનામાં ગંભીર ઇજાગ્રસ્ત લોકોને સારવાર અર્થે શહેરની જીકે જનરલ હોસ્પિટલમાં ખસેડ્યા હતા.