સાબરકાંઠા: ફિલ્મોમાં કારના સ્ટંટ આપણે જોઈએ છીએ. પરંતુ હકીકતમાં આવો સ્ટંટ ક્યારેય નહીં જોયો હોય. પરંતુ આવા જ સાચા દ્રશ્યો જોવા મળ્યા સાબરકાંઠામાં. જ્યાં એક ગંભીર અકસ્માત થતાં-થતાં રહી ગયો અને ફિલ્મી ઢબે બોલેરો ચાલકે રિક્ષા ચાલકનો બચાવ કર્યો. ફિલ્મી સ્ટંટની જેમ બોલેરો ચાલકે પોતાની બોલેરોનો ટર્ન લગાવી લીધો. આ સમગ્ર ઘટના ઘડીના છઠ્ઠા ભાગમાં ઘટી ગઈ. જોકે આને કુદરતનો કરિશ્મો જ કહેવાય.
આ ઘટના અંગે મળતી વિગત અનુસાર NH-8 પર ગાંભોઇ 3 રસ્તા પર શામળાજી તરફથી આવતી બોલેરો કારે રસ્તો ક્રોસ કરી રહેલી એક રીક્ષાને અડફેટે લેતા-લેતા બચાવી હતી. આ ઘટના નજરે જોનારા લોકોના શ્વાસ જાણે એક મિનીટ માટે અધ્ધરતાલ થઇ ગયા હતા.
જો કે કાર ચાલકએ યોગ્ય નિર્ણય લઇને બ્રેક મારતા રીક્ષા સુધી પહોંચતા-પહોંચતા કાર ટર્ન લઇ ચૂકી હતી. જો કે આ સમગ્ર દ્રશ્યો નજીક રહેલા કેમેરામાં કેદ થઇ ગયા હતા.
ઉલ્લેખનીય છે કે શામળાજી તરફથી આવતી એક બોલેરો કારે રસ્તો ક્રોસ કરી રહેલી એક રીક્ષા સાથે અકસ્માત સર્જાતા આબાદ રીતે બચી ગઇ હતી. કાર ચાલકે જીવના જોખમે રીક્ષા ચાલકને બચાવી લીધો હતો. જો કે આ ઘટનાની જાણ થતાં સ્થાનિક લોકો તાત્કાલિક અસરથી ઘટના સ્થળે આવી પહોંચ્યા હતા.