અમદાવાદના બગોદરા પાસે બુધવારે વહેલી સવારે એક ખૂબ જ ગમખ્વાર અકસ્માતની ઘટના બની છે આ અકસ્માતમાં 3 લોકોના ઘટનાસ્થળે મૃત્યુ પામ્યા છે
બગોદરા નજીક અકસ્માતમાં 3ના મૃત્યુ
જીપ અને ટ્રક વચ્ચે સર્જાયો અકસ્માત
ટ્રક પાછળ જીપ ઘૂસી જતા બની દુર્ઘટના
અમદાવાદના બગોદરા નજીક અકસ્માત
અમદાવાદના બગોદરા પાસે બુધવારે વહેલી સવારે એક ખૂબ જ ગમખ્વાર અકસ્માતની ઘટના બની છે. બગોદરા-તારાપુર ચોકડીથી 1 કિમી દૂર વટામણ ચોકડી બાજુ એક ગાડી રોડ પર ઉભેલા ટ્રકમાં ઘૂસી જતા અકસ્માત થયો હતો.આ ગાડીમાં રાજકોટની વિવિધ શાળાના વિદ્યાર્થીઓ અને શિક્ષકો સવાર હતા. તેઓ 26 ડિસેમ્બર, 2021ના રોજ વાપી ખાતે આવેલી સેન્ટ ફ્રાન્સીસ શાળામાં જુડોની જિલ્લા લેવલની રમતમાં સામેલ થવા માટે ગયા હતા.
ઈજાગ્રસ્તોને અમદાવાદ સારવાર માટે ખસેડાયા
આ અકસ્માતમાં 3 લોકોના ઘટના સ્થળે જ મોત થયા છે જ્યારે અન્ય 11 લોકોને ઈજાઓ પહોંચી છે. ઘાયલોને 108ની મદદથી તાત્કાલિક સારવાર માટે અમદાવાદ અસારવા સિવિલ હોસ્પિટલમાં રિફર કરવામાં આવ્યા છે.
10થી વધુ લોકો ઈજાગ્રસ્ત
ગાડીમાં 6 વિદ્યાર્થીનીઓ, 4 વિદ્યાર્થી, કોચ રાજીવભાઈ તથા શાળાના સ્પોર્ટ શિક્ષક ભુસણભાઈ અને શિક્ષકા નીલમબેન ઉપરાંત અન્ય એક વ્યક્તિ સવાર હતા. તેઓ 28 તારીખના રોજ વાપીની શાળામાંથી રાજકોટ પરત જવા નીકળ્યા હતા તે સમયે બુધવારે વહેલી સવારે આ અકસ્માત થયો હતો.