પૂરપાટ ઝડપે આવતી કારે કાબૂ ગુમાવતાં રિવારની ત્રણ મહિલાઓ કાળનો કોળિયો બની ગઈ.
ટ્રક અને કાર વચ્ચે અકસ્માત
3 લોકોના મોત, 7 થયા ઘાયલ
સાઈડ પર ઉભી રહેલી ટ્રકમાં કાર ઘૂસી ગઇ
અમદાવાદ-વડોદરા એક્સપ્રેસ હાઇ-વે પર અકસ્માત
અમદાવાદ વડોદરા એક્સપ્રેસ હાઇવે પર ભયંકર અકસ્માત સર્જાતાં ત્રણ લોકોના નિધનના દુ:ખદ સમાચાર સામે આવી રહ્યા છે. હાઇવે પર કાર અકસ્માતમાં ત્રણ લોકોના નિધન જ્યારે સાત લોકો ઈજાગ્રસ્ત થયા છે.
નડિયાદ પાસે ટ્રક અને કાર વચ્ચે અકસ્માત
પ્રાથમિક તપાસ અનુસાર સાઈડમાં ઊભેલી ટ્રકની પાછળ ઈકો કાર ધડાકાભેર અથડાઇ જતાં અકસ્માત સર્જાયો હતો. જે બાદ ઘટનાની જાણ થતાં જ પેટ્રોલિંગની ટીમ અને એમ્બ્યુલન્સ સ્થળ પર પહોંચી હતી.
બાધા પૂરી કરીને આવી રહેલ પરિવારને નડ્યો અકસ્માત
એક સોની પરિવારની ચાર મહિલા, એક પુરુષ અને 5 બાળકો કાર લઈને રાજસ્થાન ગયા હતા અને ત્યાં તેમની બધા પૂરી કર્યા બાદ તેઓ ઘરે પરત ફરી રહ્યા હતા. આ દરમિયાન જ પરિવારની પરિવારની ત્રણ મહિલાઓ કાળનો કોળિયો બની ગઈ. પૂરપાટ ઝડપે આવતી કારે કાબૂ ગુમાવતાં સીધી જ ટ્રકમાં અથડાઇ હતી. અકસ્માતમાં કારનો કચ્ચરઘાણ બોલાઈ ગયો હતો.
ઘાયલોને હોસ્પિટલ ખસેડવામાં આવ્યા
અકસ્માત બાદ પોલીસ ઘટનાસ્થળે પહોંચી હતી. કુલ સાત લોકો ઘટનામાં ઈજાગ્રસ્ત થયા છે જેમાં સામાન્ય ઈજા ધરાવતા પાંચ લોકો નડિયાદની સિવિલ હોસ્પિટલમાં સારવાર અર્થે ખસેડાયા છે જ્યારે બે લોકોને કરમસદની હોસ્પિટલમાં રેફર કરવામાં આવ્યા છે.