માતર તાલુકામાં ગેસ લીકેજની દુર્ઘટના ઘટતા સાત લોકો મૂર્છિત થઇ જતા દોડધામ. માતરમાં પરીએજ પાણી પુરવઠા વિભાગની બેદરકારીનાં કારણે આ દુર્ઘટના સર્જાઈ હોવાનું કહેવાય છે.
હવે મધ્ય ગુજરાતના માતરમાં ગેસ લીકેજ
ગેસ ગળતરથી સાત મૂર્છિત,પશુઓને પણ અસર
ગુરુવારે સુરતમાં ઘટી હતી આવી જ લીકેજ દુર્ઘટના
સુરત બાદ હવે મધ્ય ગુજરાતના ખેડા વિસ્તારના માતર તાલુકામાં ગેસ લીકેજની દુર્ઘટના ઘટતા સાત લોકો મૂર્છિત થઇ જતા દોડધામ મચી ગઈ છે. મધ્ય ગુજરાતના માતરમાં પરીએજ પાણી પુરવઠા વિભાગની બેદરકારીનાં કારણે આ દુર્ઘટના સજાઈ હોવાનું કહેવાય છે. કહેવાય છે કે, 10 વર્ષથી પડી રહેલી છે ક્લોરિન બોટલનો નિકાલ ન કરાતા ગેસ લીકેજ થયા હોવાના અનુમાન કરાયું છે. ગેસ લીકેજના કારણે આસપાસ રહેતા 7 લોકો બેભાન થયા છે. બેભાન થયેલા તમામને સારવાર માટે તારાપુર હોસ્પિટલ ખસેડાયા છે. તો સ્થાનિકોના પશુઓને પણ ગેસની થઇ અસર થવા પામી છે. માતર મામલતદાર, TDO,ઉપરાંત નડીઆદ ફાયર વિભાગની ટીમ પણ ઘટનાસ્થળે પહોચી છે.
સુરતમાં સર્જાઈ હતી મોટી દુર્ઘટના
સુરતના સચિનમાં ટેન્કરકાંડ મામલે સુરત, ભરૂચ, વડોદરા પોલીસનુ સંયુક્ત ઓપરેશન હાથ ધર્યુ હતું. પોલીસ કમિશનર અજયકુમાર તોમરે ખુલાસા કર્યા હતાં. તેમાં તેમણે જણાવ્યુ હતું કે ટેન્કરકાંડમાં 29 લોકોને ગેસની અસર થઈ હતી. જયારે હોસ્પિટલમાં દાખલ તમામની તબિયત સારી છે. આ મામલે GIDC પોલીસ સ્ટેશનમાં ગુન્હો નોંધાયો છે. જેમાં સુરત અને બહારના લોકોની સંડોવણી સામે આવી છે. જેથી પોલીસે 4 લોકોની ધરપકડ કરી છે. જેમાં સચિનના પ્રેમ ગુપ્તા, ભરૂચના જયપ્રકાશ, અંકલેશ્વરનો વિશાલ ઉર્ફે છોટુની ધરપકડ થઇ છે. પ્રેમ ગુપ્તાના ભાઈ સંદીપ ગુપ્તાની શોધખોળ ચાલુ છે. જયારે પ્રેમ ગુપ્તાએ સુરતમાં કેમિકલ વેસ્ટ નિકાલની જગ્યા ગાઈડ કરી હતી. મુંબઈની એક ફેકટરીમાંથી કેમિકલ મંગાવ્યુ હતુ.
એક ટેન્કરમાંથી બીજા ટેન્કરમાં ટ્રાન્સફર કરાયું
આ કેમિકલનું નામ સોડિયમ હાઇડ્રો સલ્ફાઇડ છે. તેઓ 14 રૂપિયા એક લીટરના ભાવે કેમિકલ નિકાલ કરતા હતાં. આ મામલે મુંબઇમાં પોલીસની એક ટિમ તપાસ કરી રહી છે. તેમજ ભરૂચ, અકલેશ્વરમાં પોલીસ તપાસ કરી રહી છે. આ ઘટનામાં સંગમ એન્વાયરો મુખ્ય આરોપી છે. અને આ સંગમ એન્વાયરો પાસે કોઈ પરમિશન નથી. આ કેમિકલ એક ટેન્કરમાંથી બીજા ટેન્કરમાં ટ્રાન્સફર કર્યું હતુ. ડિસન્ટ હોટલ હાઇ-વે ઉપર કેમિકલ ટ્રાન્સફર કર્યું હતું.