રસ્તા પર કાર ચલાવવા માટે બે વસ્તુઓ અત્યંત જરૂરી છે. પહેલી તો એ છે કે તમને કાર ચલાવતા આવડવી જોઈએ. બીજી કાર અંગે સંપૂર્ણ જાણકારી હોવી જોઈએ.
ફ્લોરિડાના એક શખ્સે 5 કરોડની સુપર કારનો કબાડ કરી નાખ્યો
આ શખ્સે પોતાની કારને વૃક્ષ સાથે અથડાવી દીધી
કારની આગળનો ભાગ સંપૂર્ણ રીતે ડેમેજ થયો
એક શખ્સે પોતાની કારને વૃક્ષ સાથે અથડાવી દીધી
બંનેમાંથી એક પણ વસ્તુ મિસિંગ હશે તો દુર્ઘટનાની તક વધી જશે. જો કે, લોકો આ વાતને ગંભીરતાથી લેતા નથી. એવામાં દુર્ઘટના થવાની સંપૂર્ણ શક્યતા રહે છે. ફ્લોરિડાના એક શખ્સે પણ આ વાતને ગંભીરતાથી ના લીધી. પરિણામે તેણે પોતાની 5 કરોડની સુપર કારનો કબાડ કરી નાખ્યો. આ શખ્સે પોતાની કારને વૃક્ષ સાથે અથડાવી દીધી. જે મુજબ આ જાણકારીના અભાવમાં થયુ છે.
5 કરોડ રૂપિયાની સુપર કારનો કર્યો કબાડ
વિશ્વભરમાં સુપરકારનો એક મોટો ક્રેજ છે. લોકો આ કાર માટે મોટી રકમ આપે છે. જો કે, ઘણી વખત એવુ પણ જોવામાં આવ્યું છે કે લોકો સુપરકાર તો ખરીદી લે છે પરંતુ આ અંગે વધુ જાણકારી રાખતા નથી. 50 વર્ષીય રૉબર્ટ જે ગૌરિનીની પણ આ કહાની છે. જેણે હાલમાં 2006ના હેરિટેજ સંસ્કરણ ફોર્ડ જીટી ખરીદી હતી. 5 કરોડ રૂપિયાની કિંમતવાળી આ સુપર કારને રોબર્ટે થોડા સમયમાં કબાડ કરી નાખ્યો. રૉબર્ટની કાર ઝાડ સાથે ટકરાઈ હતી. જેનાથી કારની આગળનો ભાગ સંપૂર્ણ રીતે તૂટી ગયો. રૉબર્ટે દુર્ઘટનાની જાણકારી આપતા જણાવ્યું કે તેઓ મેન્યુઅલ ટ્રાન્સમિશનથી અજાણ હતા.
એક વ્યક્તિએ દુર્ઘટનાની તસ્વીરને ફેસબુક પર શેર કરી
ઉલ્લેખનીય છે કે જૉન પેડલ નામના એક વ્યક્તિએ દુર્ઘટનાની તસ્વીરને ફેસબુક પર શેર કરી છે. દુર્ઘટના બાદ જૉન ત્યાં હાજર હતો. તસ્વીર મુજબ કારની હાલત ખરાબ થઇ ગઇ છે. કારનો આગળનો ભાગ લગભગ કબાડ બની ગયો છે. રોડ એન્ડ ટ્રેક વેબસાઈટની રિપોર્ટ મુજબ રૉબર્ટે પોલીસને જણાવ્યું કે સ્ટિક શિફ્ટ ચલાવવાની પદ્ઘતિથી અજાણ હોવાના કારણે ઘરમાંથી નિકળ્યાં બાદ તેણે કાર પરથી નિયંત્રણ ગુમાવી દીધુ. ત્યારબાદ કારનો અકસ્માત થયો.