નવરાત્રીમાં તમારું બાળક બહાર શું કરે છે અને કયા જ્યાં છે તેનું ખાસ ધ્યાન રાખો નહિતર અમદાવાદ અને સુરતમાં બનેલી ઘટનાનું પુનરાવર્તન પણ થઈ શકે છે. સુરતમાં મિત્રો સાથે ગરબા રમી પરત આવતી વખતે બાઈક રેસ લગાવતા યુવકને જીવ ખોવાનો વારો આવ્યો છે તો બીજી તરફ અમદાવાદમાં પણ ગત રાત્રે હિટ એન્ડ રનની ઘટના બનતા 2 લોકોને ગંભીર રીતે ઈજાઓ પહોંચી છે. ત્યારે આ બંને કિસ્સાઓ માતા પિતાને ચેતવી રહ્યા છે કે નવરાત્રીમાં મિત્રો સાથે બહાર નીકળી, રાત્રે તમારૂ બાળક શું કરે છે તેના પર નજર રાખવી જરૂરી છે. નહિતર લેવાના દેવા પડી શકે છે.
મૃતક વિક્કી બુગલે ગરબા નિહાળી પરત ફરતા લગાવી હતી રેસ
નવરાત્રિમાં રાતે 12 વાગ્યે કર્ફ્યૂ લાગી જાય છે. ત્યારે માલેતુજાર પરિવારના નબીરાઓ બેફામ બનીને પોતાનો રોફ મારવા રસ્તા પર ફરતા હોય છે, જેમાં કોઈ નિર્દોષનો ભોગ લેવાઈ જાય છે અથવા હોસ્પિટલના બિછાને જવાનો વારો આવી જાય છે. સુરતના મગદલ્લા બ્રિજ નજીક બાઈક રેસમાં યુવકે જીવ ગુમાવ્યો છે. મિત્રો સાથે ગરબાની મજા માણી રોડ પર પુરપાટ ઝડપે અન્ય મિત્રો સાથે બાઈકની રેસ લગાવી હતી જે બાદ કાબૂ ગુમાવતાં બાઈક ડિવાઈડર સાથે ધડાકાભેર અથડાયું હતું જેમાં વિક્કી બુગલ નામના યુવકનું કમકમાટી ભર્યું મોત નીપજ્યું હતું.ઈચ્છાપોર પોલીસે ઘટનાને લઈ તપાસ શરૂ કરી છે
નવરાત્રીમાં બાળક બહાર શું કરે છે તેનું માતા પિતા ધ્યાન રાખે
આ ઘટનાના માતા પિતાને ચેતવી બાળકને અન્ય પ્રેશર ન કરતાં બેસીને શાંતિથી સમજાવું જોઈએ કે બહાર જાય એટલે પોતાનું અને સામે વાળાનું પૂરતું ધ્યાન રાખે, બાઈક કે કાર ધીમે હંકારે તેમજ જો બાળક ઘરે વહેલા પરત ન ફરે તેની ફોન કરી ભાળ મેળવવાની જવાબદારી પણ માતા પિતાની છે અને તો જ આવી ઘટનાઓને અટકાવી શકાશે.સુરતની ઘટના જીવતું જાગતું ઉદાહરણ છે.ખતરાની ઘંટી સમાન છે. રાત્રિ કર્ફ્યૂ દરમિયાન બાળક નિયમનું ઉલ્લધન ન કરે તે પણ ધ્યાન રાખવું જરૂરી છે.
બિલ્ડર અમિત પટેલની પુત્રી અકસ્માત સર્જીને ફરાર
શહેરમા વધું એક હિટ એન્ડ રનની ઘટના સામે આવી છે. જેમા જાણીતા બિલ્ડરની પુત્રીએ આ અકસ્માત સર્જ્યો હોવાનું સામે આવી રહ્યું છે. બિલ્ડર અમિત પટેલની પુત્રીએ આ અકસ્માત સર્જ્યો હોવાનું સામે આવ્યું છે. જેમા એક કરતા વધારે યુવકો ઈજાગ્રસ્ત થયા હોવાનું સામે આવ્યું છે. જેના કારણે શહેરમાં પણ ચકચાર મચી જવા પામી છે. આપને જણાવી દઈએ કે જે યુવકો અકસ્માતનો ભોગ બન્યા છે. તેઓ CAના વિદ્યાર્થીઓ હોવાનું સામે આવ્યું છે. જે સમયે આ અકસ્માત સર્જાયો ત્યારે યુવતી ગરબા રમીને ઘરે જઈ રહી હતી. સાથેજ તેની કાર 100ની સ્પીડ પર હતી તેવું સામે આવ્યું છે. સાથેજ અકસ્માત સર્જયા બાદ યુવતી ફરાર થઈ ગઈ હતી. આ બનાવમાં CAના વિદ્યાર્થીઓ નવરાત્રી કરીને ઘરે પરત ફરી રહ્યા હતા ત્યાં તેમને અકસ્માત નડ્યો હતો. અકસ્માત સર્જનાર યુવતી પણ ગરબા ગાઈને 100 સ્પીડે ગાડી ચલાવી ઘરે જઈ રહી હતી.