ઉત્તર પ્રદેશ / લગ્ન બાદ પરત આવતા વરઘોડાને અકસ્માત નડ્યો, વરરાજા-વહુ સહિત છ લોકોનાં કરૂણ મોત 

• ઉત્તર પ્રદેશના રામપુરમાં ગમખ્વાર અકસ્માત
• ઈકો કાર અને ટેન્કર વચ્ચે સર્જાયો અકસ્માત
• દુલ્હા-દુલ્હન સહિત 6 લોકોના અકસ્માતમાં મોત

ઉત્તર પ્રદેશના રામપુરમાં એક ગંભીર દુર્ઘટના સામે આવી છે. રોડ પર સર્જાયેલા ગમખ્વાર  અકસ્માતમાં દુલ્હા-દુલ્હન સહિત 6 લોકોના મોત નિપજ્યા છે. જેને લઈ સમગ્ર પંથકમાં શોકનો માહોલ ફેલાઈ ગયો છે. 

ઉત્તર પ્રદેશના રામપુરમાં ગમખ્વાર અકસ્માત

એવું કહેવામાં આવી રહ્યું છે કે લગ્ન બાદ જાનૈયા બિહારથી પરત ફરી રહ્યા હતા. ત્યારે એક ડીસીએમ ટેન્કર અને ઇકો કારની ગંભીર અકસ્માત સર્જાયો હતો પૂર ઝડપે આવતા ટેન્કરે ઈકો કારને અડફેટે લીધી હતી અકસ્માત સર્જાયો તે સમયે ઇકો કારમાં 6 લોકો હતા. ગમખ્વાર અકસ્માત સર્જાતા જ ઘટના સ્થળે જ વરરાજા સહિત પાંચ લોકોના મોત નિપજ્યા હતા જ્યારે દુલ્હનને ગંભીર ઈજા થતા તેને તાત્કાલિક સારવાર અર્થે હોસ્પિટલ ખસેડવામાં આવી પરતું તેનું સારવાર દરમિયાન મોત નિપજ્યુ હતું. જોકે અકસ્માત બાદ ટેન્કર ચાલક ફરાર થઈ ગયો હતો.

ઈકો કાર અને ટેન્કર વચ્ચે સર્જાયો અકસ્માત

ટેન્કર ઈકો સાથે અથડાતા જ ટેન્કર ચાલક નાસી છુટ્યો હતો જ્યારે અકસ્માતને પગલે 6 લોકોના મોત થતા ટ્રાફિકજામ સર્જાયો હતો. સમગ્ર મામલે પોલીસને જાણ કરવામાં આવતા પોલીસ ઘટના સ્થળે દોડી આવી હતી. મનાઈ રહ્યું છે કે અકસ્માતમાં મુત્યુ પામનાર તમામ લોકો ગ્રેટર નોઈડાના રહેવાસી હતા. જોકે રામપુર સિટી મેજિસ્ટ્રેટને રામજી ઘટનાની જાણ થતા તેઓ હોસ્પિટલ પહોંચી ગયા હતા.

દુલ્હા-દુલ્હન સહિત 6 લોકોના અકસ્માતમાં મોત

સમગ્ર ઘટના મામલે પોલીસે જણાવ્યું હતું કે ઇકો કારમાં સવાર 6 લોકો લગ્ન કર્યા બાદ બિહારથી પરત ફરી રહ્યા હતા. તેમાંથી વરરાજા પણ હતા. કાર મુરાદાબાદ સાઈડ પરથી આવી રહી હતી ત્યારે આ અકસ્માતમાં સર્જાયો હતો જેમાં વરરાજા સહિત 5નું ઘટના સ્થળે જ મોત નીપજ્યું હતું. સારવાર દરમિયાન દુલ્હનનું મોત નીપજ્યું હતું.