IPLIN
 
  • Home
  • India
  • accident in dhupguri city of jalpaiguri district due to reduced visibility

અકસ્માત / પ. બંગાળનાં જલપાઈગુડીમાં ગમખ્વાર અકસ્માત, ધુમ્મસને લીધે અનેક ગાડીઓ અથડાતા 13નાં મોત, 18 ઘાયલ

Team VTV 08:58 AM, 20 Jan 21
Follow us
accident in dhupguri city of jalpaiguri district due to reduced visibility

પશ્ચિમ બંગાળ સ્થિત જલપાઈગુડીના ઘુપગુડી સિટીમાં ઘુમ્મસના કારણે અનેક ગાડીઓ એકબીજાને અથડાઈ ગઈ હતી. આ દુર્ઘટનામાં 13 લોકોના મોત થયા છે. ત્યારે ઘાયલોને હોસ્પિટલમાં દાખલ કરવામાં આવ્યા છે. ઘટના સ્થળ પર પહોંચેલી પોલીસે તાત્કાલીક રાહત અને બચાવ કાર્ય શરુ કરી દીધુ છે. ઘાયલોને ત્યાંની હોસ્પિટલમાં લઈ જવામાં આવ્યા છે. તો મૃતદેહોને પોસ્ટમોર્ટમ માટે મોકલી દેવાયા છે.

  • એક ટ્રક અને બે ફોર વ્હીલર વચ્ચે અકસ્માત, 13ના મોત
  • ઘટનામાં 18 લોકો ઘાયલ થતા હોસ્પિટલ લઈ જવાયા
  • બીજા ટ્રકે ઓવરટેક કરવાનો પ્રયત્ન કર્યો હતો જેના કારણે આ અકસ્માત સર્જાયો- ટ્રક ડ્રાઈવર 

ઘટનામાં 18 લોકો ઘાયલ થતા હોસ્પિટલ લઈ જવાયા

આ ઘટનામાં 18 લોકો ઘાયલ હોવાનું જણાવવામાં આવી રહ્યું છે. જલપાઈગુડીના એએસપી ડો. સુમંત રાયે જણકારી આપી કે મંગળવારે રાતે 9.05 વાગે પથ્થરથી ભરેલો ટ્રક માયાનાલી જઈ રહ્યો હતો. બીજી તરફ ટાટા મેજિક અને મારુતિ વેન રોંગ સાઈડમાં આવી રહી હતી. આ દરમિયાન ધુમ્મસના કારણે પહેલા ટ્રક અને ટાટા મેજિકનો અકસ્માત થયો અને પછી મારુતિ વેન તેમાં અથડાઈ હતી.

બીજા ટ્રકે ઓવરટેક કરવાનો પ્રયત્ન કર્યો હતો જેના કારણે આ અકસ્માત સર્જાયો- ટ્રક ડ્રાઈવર 

નજરે જોનારાઓના જણાવ્યાનુંસાર એક્સીડેન્ટ દરમિયાન ટ્રકમાંથી અનેક બોલ્ડર છટકીને બીજી ગાડીઓ પર પડ્યા. આ મામલામાં પોલીસે ટ્રક ડ્રાઈવરની ધરપકડ કરી છે. તેને દાવો છે કે પથ્થરથી ભરેલા ટ્રકને એક બીજા ટ્રકે ઓવરટેક કરવાનો પ્રયત્ન કર્યો હતો જેના કારણે આ અકસ્માત સર્જાયો હતો. પોલીસે આ સમગ્ર મામલાની ફરિયાદ નોંધી તપાસ હાથ ધરી છે. 
 

accident dhupguri Jalpaiguri પ. બંગાળ અકસ્માત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ