ગંભીર અકસ્માત / બનાસકાંઠામાં ટ્રેક્ટર અને કાર વચ્ચે ગમખ્વાર અકસ્માત, 2 બાળકો સહિત પાંચના મોત

• બનાસકાંઠામાં ગમખ્વાર અકસ્માત
• 5 વ્યક્તિના મોત 
• ઇજાગ્રસ્તોને નજીકની હોસ્પિટલ ખસેડાયા 

ધાનેરા થરાદ હાઇવે પર જોરપુરા પાટિયા પાસે અકસ્માત

બનાસકાંઠામાં થરાદ- ધાનેરા હાઇવે પર પાવડાસણ પાટિયા પાસે અકસ્માતનો બનાવ બન્યો હતો. અલટો કાર અને ટ્રેક્ટર વચ્ચે જોરદાર ટક્કર થઈ હતી, જેમાં 5 લોકોના મોત નિપજ્યા હતા. 

કાર અને ટ્રેક્ટર વચ્ચે સર્જાયો અકસ્માત

આ અકસ્માત એટલો ગંભીર હતો કે તેમાં 5 લોકોના મોત નિપજ્યા છે. મૃતકોમાં 3 પુરુષો અને 2 બાળકોનો સમાવેશ થાય છે. જ્યારે કે, અન્ય 3 ઘાયલોને ધાનેરાની ખાનગી હોસ્પિટલમાં સારવાર માટે ખસેડાયા હતા. તેમજ મૃતકોના મૃતદેહોને પી એમ અર્થે ધાનેરા રેફરલ ખાતે ખસેડાયા હતા

ઇજાગ્રસ્તોને હોસ્પિટલમાં ખસેડાયા 
આ દુર્ઘટનામાં પંચ લોકોના મોત અને અન્ય ઘાયલોને ધાનેરા સરકારી હોસ્પિટલમાં ખસેડાયા હતા. ઘટના બાદ તુરંત ધાનેરા પોલીસ ઘટના સ્થળે પહોંચી હતી અને પોલીસે ઘટના સ્થળે પહોંચી તપાસ શરૂ કરી હતી.