દૂર્ઘટના / અરવલ્લી: હીટ એન્ડ રનની ઘટનામાં મહિલાનું મોત, સ્થાનિકએ કર્યો ચક્કાજામ

• બાયડમાં હિટ એન્ડ રનમાં મહિલાનું મૃત્યુ
• ડમ્પર ચાલક મહિલાને ટક્કર મારી ફરાર
• સવારે દૂધ લેવા નીકળેલી મહિલાનું મૃત્યુ

અરવલ્લી બાયડમાં હિટ એન્ડ રનમાં મહિલાનું મૃત્યુ થતાં ખળભળાટ મચી ગયો છે. સોમવારની સવાર અરવલ્લી વાસીઓ માટે ખરાબ સમાચાર લઈને આવી છે.

અરવલ્લી: બાયડમાં હિટ એન્ડ રનમાં મહિલાનું મૃત્યુ, ડમ્પર ચાલક મહિલાને ટક્કર મારી ફરાર થઈ ગયો. સ્થાનિકોએ બાયડ-મોડાસા રોડ પર ચક્કાજામ કરી હાઇવે પર સ્પીડબ્રેકર બનાવવાની માંગણી કરી.#Aravalli #Gujarat

— VTV Gujarati News and Beyond (@VtvGujarati) September 7, 2020

વહેલી સવારે દૂધ લેવા નીકળેલી મહિલાને ડમ્પર ચાલક ટક્કર મારીને ફરાર થઈ ગયો હતો. જેને પગલે આસપાસના ગામવાસીઓ અહીં ઉમટી આવ્યા હતા. આ ગોઝારી ઘટના બાયડ -મોડાસા હાઈવે પર ઘટી હતી. ત્યારે લોકોએ ચક્કાજામ કરીને હાઈવે પર સ્પીડબ્રેકર બનાવવાની માંગણી કરી છે.

ગુજરાતમાં વરસાદને કારણે નેશનલ અને સ્ટેટ હાઈવે તેમજ અન્ય રોડ રસ્તા પણ બિસ્માર બન્યા છે ત્યારે હવે સ્થાનિકો અકસ્માને તંત્રની બેદરકારી ગણાવી રહ્યા છે. અને હાઈવેની મરમ્મતથી લઈને તેના પર સ્પીડ બ્રેકર લગાવવાની માંગને લઈને રસ્તા રોકો આંદોલનના ભાગરૂપે રોડ પર ચક્કાજામ કર્યો હતો.