સુરતથી માઠા સમાચાર સામે આવી રહ્યા છે. એક ટ્રેલરનું ટાયર ફાટતા અકસ્માતોની હારમાળા સર્જાઈ હતી અને આ ગોઝારા અકસ્માતોમાં એક બાઈક સવારનો જીવ ગયો છે.
સુરતના કડોદરા ખાતે ટ્રેલરનું ટાયર ફાટતા દુર્ઘટના
ટાયર ફાટતા ટ્રેલરે 5 વાહનોને લીધા અડફેટે
દુર્ઘટનામાં એક બાઇક ચાલકનું ઘટના સ્થળે મૃત્યુ
આજે વહેલી સવારે સુરતથી માઠા સમાચાર સામે આવ્યા છે. આજે સુરત કડોદરા ખાતે ટાયર ફાટતા ટ્રેલરે 5 વાહનોને અડફેટે લીધા હતા અને અકસ્માતોની હારમાળા સર્જી હતી.
માતેલા સાંઢની જેમ ટ્રેલરે રિક્ષા સહિત પાંચ વાહનોને અડફેટે લીધા હતા.
આ અકસ્માતોની હારમાળામાં એક બાઈક સવારે ઘટના સ્થળે જ દમ તોડ્યો હતો. બાઈક ચાલકનું ઘટના સ્થળે જ મૃત્યુ નિપજ્યું હતુ. મૃતકના પિતાનું પણ 2 મહિના પહેલા જ કોરોનાની મહામારીમાં મોત થયું છે.