બનાસકાંઠાના ગઠામણ પાટિયા પાસે ટ્રક અને બાઇક વચ્ચેના અકસ્માતમાં માતા-પુત્રના કરુણ મોત નિપજતા હાહાકાર મચી જવા પામ્યો છે.
પાલનપુરના ગઠામણ પાટિયા પાસે અકસ્માતની ગોઝારી ઘટના
કાળમુખા ટ્રકે પાછળથી અડફેટે લેતા માતા-પુત્રના મોત
માતા-પુત્રને કાળ ભેટી જતાં પરિજનોમાં કાળો કલ્પાંત
બનાસકાંઠા જિલ્લાના પાલનપુરના ગઠામણ પાટિયા પાસે અકસ્માતની ગોઝારી ઘટના સામે આવી છે. જેમાં માતા-પુત્રના કમકમાટીભર્યા મોત નિપજતા અરેરાટી મચી ગ્ઇ છે. પુત્રને સ્કૂલેથી લઈ ઘરે જતી વેળાએ કાળમુખા ટ્રકે પાછળથી અડફેટે લેતા માતા-પુત્રના મોત નિપજ્યા હતા. જેને લઇને પરિવારમાં કાળો કલ્પાંત ફેલાયો છે.
માતા-પુત્રના મોતથી પરિજનોમાં કાળો કલ્પાંત
આ કરુણાંતિકાની જણવા મળતી વિગત અનુસાર સ્કૂલે ગયેલા પુત્રને તેની માતા શાળાએથી એક્ટીવામાં લઈ ઘરે આવી રહી હતી. આ વેળાએ આ સમયે ગઠામણ પાટિયા પાસે પહોંચતા આ દરમિયાન પાછળથી બેફામ સ્પીડે આવતા ટેન્કરના ચાલકે સટેરિંગ પરનો કાબૂ ગુમાવી દેતા એક્ટીવાને ઠોકરે લીધી હતી જેમાં માતા-પુત્રને ગંભીર ઈજાઓ પહોંચી હતી. જેમાં માતાનું ઘટનાસ્થળે અને પુત્રનું સારવાર દરમિયાન મોત નીપજ્યું હતું. આ બનાવને લઇને લોકોના ટોળેટોળા એકઠા થઇ ગયા હતા. ઘટનાની જાણ થતાં મૃતકના પરિવારજનો ઘટનાસ્થળ પર દોડી આવ્યા હતા. જેમાં મોતને લઇને રોકકડાટ ફેલાયો હતો.
આ મામલે વધુ તપાસ હાથ ધરાઇ
બીજી તરફ પાલનપુરના ગઠામણ પાટિયા પાસે સર્જાયેલી આ ઘટનાની જાણ થતા સ્થાનિક પોલીસ પણ ઘટનાસ્થળે દોડી ગ્ઇ હતી અને ઘટનાં સીસીટીવી તપાસી આ મામલે વધુ તપાસ હાથ ધરી છે. ટેન્કર ચાલક વિરુદ્ધ ગુન્હો નોંધવા સહીતની દિશામાં કાર્યવાહી હાથ ધરી છે.