રેસ્ક્યૂ / મોરબી નજીક સીરામીક કારખાનામાં માટીની કોઠીઓ પડવાથી દુર્ઘટનામાં ત્રણ લોકો દટાયા

• મોરબી સિરામિક ફેકટરીની દુર્ઘટનામાં લોકો દબાયા 
• દટાયેલા લોકોને કાઢવા રાજકોટની રેસ્ક્યુ માટે બોલાવાઈ
• મોડી રાત સુધી રેસ્ક્યુની કામગીરી ચાલશે

મોરબી નજીક આવેલ ગ્રીસ સીરામીક નામના કારખાનામાં માટી ભરેલ કોઠીઓ નીચે પડવાની દુર્ઘટનામાં અત્યારે 3 લોકો દટાયા હોવાનું સામે આવ્યું છે. અત્યારે મોરબીની ટીમ રેસ્ક્યુ માટે કામે લાગી છે. આ ઉપરાંત રાજકોટની ટીમને પણ બોલાવવામાં આવી છે.

તાલુકા પોલીસ, મામલતદાર સહિતના અધિકારીઓ ઘટના સ્થળે પહોંચ્યા હતા. અને ફાયરબ્રિગેડ સહિતના કાફલા દ્વારા રેસ્ક્યુ હાથ ધરવામાં આવ્યું છે. જો કે ટાંચા સાધનોને કારણે તંત્ર દ્વારા રાજકોટની રેસ્ક્યુ ટીમની મદદ લેવાનો નિર્ણય લેવામાં આવ્યો છે. જેની સાથે સ્થાનિક ટીમની મદદથી પણ રેસ્ક્યુ હાથ ધરી કાટમાળને ખસેડવામાં આવશે અને અંદર દટાયેલા લોકોને બહાર કાઢવામાં આવશે. આ રેસ્ક્યુની કામગીરી મોડી રાત સુધી ચાલવાની છે.