મહેસાણા RTO દ્વારા 30 લોકોને લાઇસન્સ રદ કરવા નોટિસ આપવામાં આવી છે. જીવલેણ અકસ્માત સર્જનારનું લાઇસન્સ રદ કરવા માટે નોટિસ પાઠવવામાં આવી છે. ગંભીર અકસ્માત સર્જનાર 14ના લાઇસન્સ રદ્દ કરવાની કાર્યવાહી હાથધરવામાં આવી છે.
ઓવરલોડ માલ ભરીને ચાલતા 10ને પણ નોટિસ આપવામાં આવી છે. તો 2ને ચાલુ વાહને વાત કરવા બદલ નોટિસ ફટકારવામાં આવી છે. આ ઉપરાંત 4 લોકોને વારંવાર મેમો મળતા નોટિસ આપવામાં આવી છે.
ચાલુ વાહને મોબાઈલ પર વાત કરતા લોકો ચેતજો
મહેસાણામાં RTO દ્વારા મોબાઈલ પર વાત કરતા લોકો સામે કાર્યવાહી કરવાની શરૂઆત કરી છે. ચાલુ વાહને મોબાઈલ પર વાત કરતા લોકોના લાઈસન્સ આજીવન માટે રદ્દ કરવા માટેના આદેશ આપવામાં આવ્યા છે. ત્યારે હવે કોઈ વ્યક્તિ ચાલુ વાહને મોબાઈલ પર વાત કરશે તો દંડની જગ્યાએ કાયમી માટે ડ્રાઈવિંગ લાયસન્સ ગુમાવવુ પડશે.
RTO પાસે નહીં ચાલે કોઈની લાગવગ
મહત્વનુ છે કે, ટ્રાફિક પોલીસે 10 જૂને આબલિયાસણ ગામના એક વ્યક્તિને મોબાઈલ પર વાત કરતા ઝડપી પાડ્યો હતો. ટ્રાફિક પોલીસે મેમો આપવાની સાથે RTOને કડક કાર્યવાહી ભલામણ કરી હતી. ત્યાર બાદ RTO દ્વારા નોટિસમાં યોગ્ય ખુલાસો ન કરતા લાયસન્સ આજીવન રદ કરવામાં આવ્યું છે.
'મોતવાળા' ચાલકોને સજા ક્યારે?
ત્યારે અનેક સવાલો થાય છે કે, મહેસાણા RTOની સારી શરૂઆત, ગુજરાતમાં ક્યારે થશે લાગૂ? મોત સુધી લઈ જતા અકસ્માત કરનારાના લાયસન્સ કેન્સલ થશે. મહેસાણા RTOએ 14 લોકોના લાયસન્સ કેન્સલ કરવાની કાર્યવાહી કરી? ગુજરાતના મોટા શહેરોની RTO આવી નક્કર કાર્યવાહી ક્યારે કરશે?બેફામ વાહન ચલાવતા લોકોને RTOનો ડર ક્યારે લાગશે?
અમદાવાદ, રાજકોટ અને સુરત શહેરમાં અકસ્માતે મોત ક્યારે રોકાશે? બેફામ રીતે કાર ચલાવતા 'સુખી' લોકોને ક્યારે દંડશે RTO? ગુજરાતના શહેરોમાં અકસ્માતથી મોત ક્યારે રોકાશે?