રાજકોટમાં મવડી રોડ પર એક ગંભીર અકસ્માતની ઘટના સામે આવી, પૂરપાટ ઝડપે આવી રહેલી કાર એકાએક કૂવામાં ખાબકતા કાર ચાલકનું ઘટના સ્થળે જ મોત નિપજ્યું છે, બે લોકોનો આબાદ બચાવ
રાજકોટના મવડી રોડ પર કાર કૂવામાં ખાબકી
1 વ્યક્તિનું મોત અન્ય બે લોકો થયા ઇજાગ્રસ્ત
ફાયર બ્રિગેડની ટીમે કૂવામાંથી કાર બહાર કાઢી
રાજકોટમાં મવડી રોડ પર એક ગંભીર અકસ્માતની ઘટના સામે આવી છે. જેમાં પૂરપાટ ઝડપે આવી રહેલી કાર એકાએક કૂવામાં ખાબકતા કાર ચાલકનું ઘટના સ્થળે જ મોત નિપજ્યું છે જ્યારે કારમાં ચલાવાર બે લોકોનો આબાદ બચાવ થયો છે..
એક વ્યક્તિનું મોત અન્ય બે લોકો થયા ઇજાગ્રસ્ત
રાજકોટમાં મવડી રોડ પર એક કાર કૂવામાં ખાબકી જેમાં કાર ચાલકનું મુત્યું નિપજ્યું હતું જયારે કારમાં સવાર બે શખ્સોના ચમત્કારિક બચાવ થયો હતો.. ઘટનાની જાણ થતા આસપાસના લોકો ઘટના સ્થળે દોડી આવ્યા હતા અને કારમાં સવાર બે લોકોને બવવા તજવીજ હાથ ધરી હતી. જો કે સમગ્ર મામલે ફાયર વિભાગને જાણ કરાતા ફાયરબ્રિગેડના જવાનો પણ ઘટના સ્થળે દોડી આવ્યા હતા. અને ફાયર બ્રિગેડના સ્ટાફ દ્વારા કારને કૂવામાંથી બહાર કાઢવામાં આવી છે.
અગાઉ પણ આવી જ એક ઘટના સામે આવી હતી
આ ઘટનાની પ્રાપ્ત વિગતો અનુસાર મવડી રોડ પાસે એક લકઝરી કાર કુવામાં ખાબકી હતી. જ્યાં કાર ચાલક અજય પીઠવાનું ઘટના સ્થળે મોત થયું છે. જયારે કારમાં સવાર હિરેન સિદ્ધપુરાનું અને વિરલ સિદ્ધપુરાનો બચાવ થયો છે. જેને પગલે ફાયર બ્રિગેડના સ્ટાફ દ્વારા કારને ક્રેન વડે કુવામાંથી બહાર કાઢવામાં આવી છે. મહત્વનું છે કે અગાઉ મોરબીમાં આવી જ એક ઘટના સામે આવી હતી.. જેમાં મોરબીના વાંકાનેરમાં કણકોટ પાસે એક કાર કૂવામાં ખાબકી હતી..મોરબીમાં થયેલા એ અકસ્માતમાં એક જ પરિવારની બે મહિલા અને બે બાળકોના મોત થયા હતા..જ્યારે અન્ય કાર ચાલક અકસ્માત સર્જીને ફરાર થઈ ગયો હતો.. જે બાદ પોલીસમાં ફરિયાદ નોંધાતા પોલીસે આગળની કાર્યવાહી હાથ ધરી હતી.