જાન રહેલા પરિવારને નડ્યો અકસ્માત, સુરતમાં બારડોલી કડોદ રોડ પર બે કાર વચ્ચે અકસ્માત સર્જાતા 2 લોકોના ઘટના સ્થળે મોત, 3 લોકોને ગંભીર ઈજા
બારડોલીના ભામૈયા નજીક બે કાર વચ્ચે અકસ્માત
પુત્રની જાન લઇને પરત ફરી રહેલા પરિવારનો અકસ્માત
પિતા સહિત બેના અકસ્માતમાં મોત, 3 ને ઇજા
દેશ અને રાજ્યમાં અકસ્માતને લઈને અનેક લોકોના મોત નિપજે છે, માર્ગ અકસ્માતને કારણે મૃત્યુ પામનારે કેસમાં દિવસે દિવસે વધારો થઈ રહ્યો છે. ત્યારે વધુ એક અકસ્માતની ઘટના સામે આવી છે, સુરતમાં બારડોલી કડોદ રોડ પર બે કાર વચ્ચે અકસ્માત સર્જાતા 2 લોકોના ઘટના સ્થળે મોત નિપજ્યા છે જ્યારે 3 લોકોને ગંભીર ઈજા થઈ છે.
પુત્રની જાન લઇ પરત ફરી રહેલા પરિવારનો અકસ્માત
સુરત બારડોલી પાસે પુત્રની જાન લઈ પરત ફરી રહેલા પરિવારનો અકસ્માત સર્જાયો જેમાં બે લોકોના મોત નિપજ્યા હતા. ભામૈયા નજીક પૂરપાટ ઝડપે આવી રહેલી બે કારો ધડાકાભેર એકબીજા સાથે અથડાઈ હતી. કાર અથડાતાની સાથે કારમાં સવાર પિતા પુત્રનું ઘટના સ્થળે જ મોત નિપજ્યું હતું. જ્યારે અકસ્માત બાદ અન્ય કાર ચાલક કાર મૂકીને ફરાર થઈ ગયો હતો. ઘટનાને પગલે સ્થાનિકો ઘટના સ્થળે દોડી આવ્યા હતા અને સમગ્ર મામલે પોલીસને જાણ કરી હતી. જો કે તાત્કાલિક પોલીસે ઘટના સ્થળે પહોંચી આગળની કાર્યવાહી હાથ ધરી છે. જેમાં પોલીસે ફરાર કાર ચાલક સામે ગુનો નોંધી તપાસ શરૂ કરી છે. તો બીજી તરફ મૃતકોને પીએમ અર્થે ખસેડી, ઈજાગ્રસ્ત લોકોને સારવાર અર્થે હોસ્પિટલ ખસેડાયા હતા.
પિતા સહિત બેના અકસ્માતમાં મોત, 3 ને ઇજા
મહત્વનું છે કે પરિવાર જ્યારે જાન લઈ પરત ફરી રહ્યો હતો ત્યારે અકસ્માત સર્જાતા પિતા સહિત બેના મોત થયા છે જેને લઈને પરિવારમાં મોતનો માતમ છવાઈ ગયો છે, આખા પરિવારમાં શોકનો માહોલ જોવા મળી રહ્યો છે. જ્યારે પરિવારના 3 સભ્યોને ગંભીર ઈજા થતા તેમને તાત્કાલિક સારવાર અર્થે ખસેડાયા છે, જો કે અકસ્માત સર્જીને અન્ય કાર ચાલક ફરાર થઈ જતા પોલીસે સમગ્ર મામલે તપાસ હાથ ધરી છે.