અકસ્માત / અંબાજી ટાઉનમાં માતેલા સાંઢની માફક ટ્રકે 6 વાહનને લીધા અડફેટે, એક યુવકનું મોત, ચાલક થયો ફરાર

• યાત્રાધામ અંબાજી ટાઉન ખાતે ગોઝારો અકસ્માત
• ટ્રક ચાલકે એક સાથે 6 વાહનોને લીધા અડફેટે
• અકસ્માતમાં એક યુવકનું ઘટના સ્થળે મૃત્યુ

યાત્રાધામ અંબાજી ટાઉન ખાતે માતેલા સાંઢ માફક ટ્રકે એક સાથે 6 વાહનોને અડફેટે લીધા હતા. જેમાં એક યુવકનું ઘટનાસ્થળે જ મોત નિપજ્યું હતું. 2 કાર, 4 ટુ-વ્હિકલ, એક લારીને અડફેટે લેતા ગંભીર રીતે લોકો ઈજાગ્રસ્ત થયા હતા. તો CNG કારના પાછળના ભાગે ટ્રકની ટક્કર બાદ સદનસીબે કોઈ મોટી દુર્ઘટના સર્જાઈ નહોતી. સમગ્ર ઘટના બાદ અકસ્માત બાદ ટ્રકચાલક ઘટનાસ્થળેથી ફરાર થઈ ગયો હતો. પોલીસે ટ્રકચાલકને પકડવા ચક્રો ગતિમાન કર્યા છે. 

સુરતમાં પણ ટ્રકની અડફેટે મહિલા TRBનું મોત

સુરતમાં ફરજ દરિમયાન એક મહિલા TRBનું કમકમાટીભર્યું મોત થયું હતું. વરિયાવ-છાપરાભાઠા રોડ પર એક્ટિવા લઈને જઈ રહેલા પ્રીતી ચૌધરીના વાહનને હડફેટે લીધા હતા. ટ્રેલરની હડફેટે લીધા બાદ પણ પ્રીતીના માથા પરથી ટાયર ફરી વળ્યું હતું. અને મહિલા TRBનું ઘટનાસ્થળ પર જ મોત નિપજ્યું હતું. સમગ્ર મામલાની જાણ થતા પોલીસનો કાફલો ઘટનાસ્થળે દોડી ગયો હતો. અને ટ્રેલરચાલકની ધરપકડ કરી હતી. તપાસમાં સામે આવ્યું કે, મા સંતોષી એજન્સીનું આ ટ્રેલર હતું. જેનો ચાલક સંદીપ બિંધની પોલીસે અટકાયત કરી છે. 

TRB પ્રીતી ચૌધરી પર તેના પરિવારની જવાબદારી હતી. પિતાનું તો 7 વર્ષ અગાઉ જ મોત નિપજ્યું હતું. જે બાદ પ્રીતી નોકરી સાથે પરિવારને પણ સંભાળી રહ્યા હતા. પોતાની માતા અને એક માનસિક બહેનની પણ જવાબદારી તેના પર હતી. ત્યારે સમગ્ર પરિવાર માટે જીવનમાં ચોતરફથી અંધારું છવાયું છે. પહેલા ઘરના મોભીનું છોડી ગયા બાદ દિકરીનું પણ નાની ઉંમરે મોત...,