ગમખ્વાર / સાબરકાંઠા: ઇડરના કડિયાદરા રોડ પર કાર અને રીક્ષા ધડાકાભેર અથડાયા, 2 બાળક સહિત કુલ 3 લોકોના મોત

• ઇડરના કડિયાદરા રોડ પર અકસ્માત
• ઇકો કાર અને રીક્ષા વચ્ચે અકસ્માત 
• અકસ્માતમાં 3 ના મોત 6 લોકોને ઇજા 

મળતી જાણકારી પ્રમાણે,ઇડરના કડિયાદરા રોડ પર ઇકો કાર અને રીક્ષા ધડાકાભેર અથડાયા હતા. આ બનાવને પગલે આસાપાસના લોકો તાત્કાલિક અસરથી ઘટના સ્થળે દોડી આવ્યા હતા અને બચાવ કાર્ય હાથ ધર્યું હતું. 

3 લોકોના કમકમાટી ભર્યા મોત

અકસ્માતને પગલે 3 લોકોના ઘટના સ્થળે જ કમકમાટી ભર્યા મોત થયા હતા તો 6 લોકોને ઈજા થતાં તેમને નજીકના દવાખાને તાત્કાલિક અસરથી સારવાર અર્થે ખસેડવામાં આવ્યા છે.મૃતકોમાં બે બાળકો અને એક પુરૂષનો સમાવેશ થાય છે.

પોલીસે હાથ ધરી કાર્યવાહી 

આ અકસ્માતમાં બે મહિલા , એક પુરુષ ,બે બાળકોને ઇજા પામી હોવાનું સામે સામે આવ્યું છે. તો બનાવ અંગે જાણ થતાં જ પોલીસ કાફલો પણ ઘટના સ્થળે આવી પહોંચ્યો હતો અને આગળની કાર્યવાહી હાથ ધરી હતી.