ગોંડલઃ ક્રિકેટ ટુર્નામેન્ટ જોઇ ઘરે પર ફરી રહેલા ત્રણ જીગરીદોસ્તનું કાર અડફેટે મોત

ગોંડલઃ રાજકોટના ગોંડલ-ઘોઘાવદર રોડ પર અકસ્માતની ઘટના બની છે. મોડી રાત્રે કાર અને બાઇક ધડાકાભેર અથડાયા હતા. આ ગમખ્વાર અકસ્માતમાં ત્રણ જીગરીદોસ્તના મોત નિપજ્યાં હતા. અને ધારેશ્વેર ચોકડી પાસે આ બનાવ બન્યો હતો. કારમાં સવાર બે લોકો ગંભીરરીતે ઇજાગ્રસ્ત થયા હતા. જેમને સારવારઅર્થે હોસ્પિટલ ખસેડવામાં આવ્યા હતા. 

ગોંડલના આ રોડ પર અવારનવાર અકસ્માતના બનાવો બને છે. ત્યારે આ પ્રકારે વધુ એક અકસ્માત સર્જાયો હતો. જેમાં ક્રિકેટ ટુર્નામેન્ટ જોઇ બાઇક પર ઘોઘાવદર પરત ફરી રહેલા ત્રણ મિત્રો સાગર સોરીયા નિર્મળ વાઘેલા અને મિલન જેઠવાનું પૂરપાટ ઝડપે આવતી કારની અડફેટે મોત નિપજ્યું હતું. જેમના મૃતદેહને પોસ્ટમોર્ટમ માટે ગોંડલના સરકારી દવાખાને ખસેડવામાં આવ્યા હતા.