ભુજ: કચ્છના લોરિયા નજીક હાઇવે પર કાર અને બસ વચ્ચે અકસ્માત થયો હોવાની માહિતી મળી છે. આ અકસ્માત એટલો ભયાનક હતો કે ઘટના સ્થળે જ 9 લોકોનાં મોત થઇ ગયા છે. જ્યારે 5 થી વધુ લોકોને ગંભીર ઇજા થઇ હોવાની માહિતી પ્રાપ્ત થઇ છે.
મળતી માહિતી અનુસાર ભુજથી ખાવડા તરફ જતાં માર્ગ પર લોરિયા ચેકપોસ્ટ પાસે કાર અને બસ વચ્ચે થયેલા અકસ્માતમાં 9 લોકોનાં મોત થયા છે. કારમાં સવાર કરતાં લોકો બહારના ટુરિસ્ટ હોવાનું પ્રાથમિક માહિતીમાં જાણવા મળ્યું છે. ઘાયલ થયેલા લોકોને જી.કે. જનરલ હોસ્પિટલમાં સારવાર માટે લઇ જવામાં આવ્યા છે.