મોટી દુર્ઘટના / પોરબંદરની હાથી સિમેન્ટ કંપનીમાં માચડો તૂટતા શ્રમિકો દટાયા, CM રૂપાણીએ પણ ફોન પર મેળવી જાણકારી

• પોરબંદર રાણાવાવ હાથી સિમેન્ટ ફેકટરીમાં દૂર્ઘટના
• હાથી સિમેન્ટ ફેકટરીમાં ચીમની રીપેરીંગ દરમિયાન દૂર્ઘટના
• કલરકામ દરમિયાન કામ કરતા મજૂરો માચડા પરથી પડ્યા

પોરબંદરની રાણાવાવ હાથી સિમેન્ટ ફેક્ટરીની ચીમનીમાં ફસાયેલા કામદારોનું રેસ્ક્યૂ, એક કામદારને જીવીત બહાર કઢાયો, અન્ય કામદારોને બહાર કાઢવા કવાયત તેજ, બહાર કાઢેલા મજૂર સંપૂર્ણ સ્વસ્થ હોવાનો દાવો છે. પોરબંદરની જાણીતી હાથી સિમેન્ટ ફેક્ટરીમાં બપોરના સમયે એક મોટી દુર્ઘટના સર્જાઈ હતી. જેમાં 6 શ્રમિકો દટાયા હોવાની પુષ્ટી થઈ ચૂકી છે. અને તેમના માટે રેસ્ક્યૂ કામગીરી પણ હાથ ધરાઈ હતી. વાત તો ત્યાં સુધી પહોંચી કે, પોરબંદર કલેક્ટર સાથે મુખ્યમંત્રીએ પણ વાત કરી હતી.

મહત્વનું છે કે, સૌરાષ્ટ્ર સિમેન્ટ લિમિટેડ હેઠળ હાથી સિમેન્ટ છે. સમગ્ર ઘટના ચીમનીમાં રિપેરિંગની કામગીરી દરમિયાન સર્જાઈ હતી. આ ભાગમાં રિપેરિંગ માટે માચડો તૈયાર કરવામાં આવ્યો હતો. પરંતુ માચડામાં ખામી હોવાના કારણે આટલા ઊંચા ભાગે કામ કરવાનું હોવાથી માચડો તૂટી પડ્યો હતો. જેમાં કામ કરતા 6 જેટલા શ્રમિકો પણ દટાયા હોવાની વાત સામે આવી હતી. જો કે, ઘટનાની જાણ પણ બહુ મોડી કરવામાં આવી હતી. 

મુખ્યમંત્રીએ ફોન પર જાણકારી મેળવી

પોરબંદરના રાણાવાવ પાસે હાથી સિમેન્ટ ફેક્ટરીમાં દુર્ઘટના અંગે CM રૂપાણીએ કલેક્ટર સાથે વાત કરી હતી. દુર્ઘટનામાં બચાવ અને સત્વરે યોગ્ય સારવાર માટે કરી તાકીદ પણ કરી છે. NDRFની 2 ટીમ પણ મોકલવામાં આવી છે. ઘટનામાં 6 જેટલા કામદારો કાટમાળમાં દટાયાની પુષ્ટી થઈ ચૂકી છે.  આશરે 45 ફૂટ ઊંચાઈ પર કામગીરી ચાલુ હતી. અને આટલી ઊંચાઈ પર કામગીરી માચે માચડો બનાવ્યો હતો. મહત્વનું છે કે આટલા ઊંચાઈ પર ક્રેન દ્વારા કામગીરી થતી હોય છે. પરંતુ ક્રેનની હાજરી ન હોવાથી વૈકલ્પિક રસ્તો શોધાયો હતો. જો કે, ઘટનાની જાણ બાદ કોઈ પત્રકારોને અંદર એન્ટ્રી આપી નહોતી.