સ્પોટર્સ / મહિલા ક્રિકેટને પ્રોત્સાહન આપતી જય શાહની મોટી જાહેરાત, અંડર 19 એશિયા કપની ભેટ

બીસીસીઆઈના વર્તમાન સચિવ જય શાહ આ વર્ષે 1 ડિસેમ્બરથી આઈસીસી (ICC)ના ચેરમેન પદની જવાબદારી સંભાળશે. તેઓ હાલ એશિયાઈ ક્રિકેટ કાઉન્સિલ (ACC)ના ચેરમેન પણ છે. મહિલા ક્રિકેટને પ્રોત્સાહન આપવા માટે જય શાહે મહત્વનો નિર્ણય લીધો છે.

મહિલા અંડર-19 ટી20 એશિયા કપની જાહેરાત

તેમની અધ્યક્ષતામાં ACCએ મહિલા અંડર-19 ટી20 એશિયા કપની જાહેરાત કરી છે. આ ટુર્નામેન્ટ એશિયા ખંડની યુવા મહિલાખેલાડીઓને પોતાનું ટેલેન્ટ બતાવવા માટે એક મહાન તક આપશે.

ACCની બેઠકનું નેતૃત્વ જય શાહે કર્યું, અને 1 ડિસેમ્બરથી તેઓ આઈસીસીનું ચેરમેન પદ સંભાળશે. તેમ છતાં, ACCના અધ્યક્ષ પદ છોડતા પહેલા, તેમણે મહિલા ક્રિકેટ માટે એક મોટું પગલું લીધું છે. ગયા વર્ષે પ્રથમ વખત અંડર-19 સ્તરે મહિલા ટી20 વર્લ્ડ કપનું આયોજન કરવામાં આવ્યું હતું, અને હવે મહિલા અંડર-19 એશિયા કપની જાહેરાત કરવામાં આવી છે, જેને કારણે ક્રિકેટ પ્રેમીઓમાં ખુશી છવાઈ ગઈ છે.

એશિયા કપ ક્યારે થશે?

ACC ડિસેમ્બરમાં પ્રથમ વખત આ ઈતિહાસિક મહિલા ટી20 એશિયા કપનું આયોજન કરી શકે છે, અને ત્યારબાદ અંડર-19 મહિલા ટી20 વર્લ્ડ કપ પણ થવાનો છે, જેનું આયોજન મલેશિયામાં થશે. હજી ટૂર્નામેન્ટમાં કેટલી ટીમો ભાગ લેશે અને હોસ્ટ કોણ હશે તે સ્પષ્ટ નથી, પરંતુ આ ટૂર્નામેન્ટથી એશિયાઈ ક્રિકેટમાં સ્પર્ધાનું સ્તર વધશે તે ચોક્કસ છે.

આ પણ વાંચોઃ તમને હાર્ટ એટેક ક્યારે આવશે? જાણવા માટે કરાવી લો એક ટેસ્ટ, જીવનું જોખમ ઘટશે

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ