ACBએ અમદાવાદમાં LRDના જવાનને અને અરવલ્લીમાં તલાટીને લાંચ લેતા રંગેહાથે ઝડપી પાડ્યાં છે
અમદાવાદમાં LRD જવાન લાંચ લેતા ઝડપાયો
ACBએ LRD જવાનને લાંચ લેતા રંગેહાથ ઝડપ્યો
રણાસણ ટોલનાકા નજીક LRD જવાન 1 હજારની માગી હતી લાંચ
ACBએ LRD જવાનને લાંચ લેતા ઝડપ્યો
રાજ્યમાં ટ્રાફિક પોલીસ દ્વારા ભ્રષ્ટાચાર એ કોઈ નવી નવાઈની વાત નથી. એમાંય અમદાવાદમાં તો ઘણી ખરી ચર્ચાઓ થતી રહેતી હોય છે.ત્યારે ACBએ અમદાવાદમાંથી વધુ એક ટ્રાફિક પોલીસને ઝડપાયો છે.
અમદાવાદ ACBને શહેર તથા નેશનલ હાઈવે રીંગ રોડ પર આવતા જતા વાહનોને પોલીસ, હોમગાર્ડ તથા ટીઆરબીના માણસો વાહનો રોકી લોકોને હેરાન પરેશાન કરતા હોવાની અંગત બાતમીદારો દ્વારા માહીતી મળી હતી. જેમાં કાયદેસરના દંડ સિવાયની પોતાના અંગત સ્વાર્થ માટે લાંચના નાણાંની માંગણી કરતા હોવાની માહીતી મળી હતી.
ACBએ લાંચીયા LRD જવાનને ડીટેઈન કરી કાયદેસરની કાર્યવાહી હાથ ધરી
જેના મુદ્દે આજે ACB અમદાવાદના રણાસણ ટોલનાકા પાસે આરોપી LRD જવાનેએ ACBના અઘિકારીની ઇક્કો ગાડી ઉભી રખાવી હેતુલક્ષી વાતચીત કરી અલગ અલગ દંડ 7000 રૂપિયાનો ભરવો પડશે તેવો ડર બતાવી રકઝકના અંતે 1000 રૂપિયાની લાંચની માંગણી કરી હતી. તેમજ લાંચની રકમ સ્વીકારતા રંગેહાથ પકડાઇ ગયા હતા. આરોપીને ACBએ ડીટેઈન કરી આગળની કાર્યવાહી હાથ ધરી છે.
સાબરકાંઠા ACBની ટ્રેપમાં ફસાયો તલાટી
બીજી તરફ ACBએ અરવલ્લીમાં તલાટી 1 હજારની લાંચ લેતા રંગેહાથે ઝડપી પાડ્યો હતો. અરવલ્લીમાં માલપુરાના સખવાણીયા ગ્રુપ ગ્રામ પંચાયતના તલાટી જયશે પરમારે ફરિયાદીની બહેનના મેરેજ સર્ટિફિકેટ આપવા માટે લાંચ માંગી હતી. જેથી ફરિયાદી આ અંગે ACBમાં ફરિયાદ કરતાં ACBએ છટકું ગોઠવ્યું હતું. આ દરમિયાન આજે ACBએ તલાટી જયેશ પરમારને રૂપિયા 1 હજારની લાંચ લેતા રંગેહાથ ઝડપી પાડ્યા હતાં