રંગેહાથ / સાબરમતી જેલમાં સહાયકને ACBએ લાંચ લેતા ઝડપ્યો, જાણો કયા કામ માટે માગી હતી લાંચ

• સાબરમતી જેલનો જેલ સહાયક લાંચ લેતા ઝડપાયો
• રૂ.41 હજારની લાંચ લેતા ACBએ રંગેહાથ ઝડપ્યો
• પિયુષ નિમ્બાર્ક નામના જેલ સહાયકને ACBએ પકડ્યો 

અમદાવાદની સાબરમતી જેલનો જેલ સહાયક લાંચ લેતા ઝડપાયો છે. રૂ.41 હજારની લાંચ લેતા જેલ સહાયકને ACBએ રંગેહાથ ઝડપ્યો હતો. પીયૂષ નિમ્બાર્ક નામના જેલ સહાયકને ACBએ પકડ્યો છે. જેલ સહાયકે મહિલાના પતિ અને પુત્રોને હેરાનગતિ ન કરવા અને હાઈસિક્યોરિટીમાં બંનેને નહી મૂકવા માટે લાંચ માગી હતી.

જેલની સુરક્ષા માટે બેલેન્સિંગ સ્કૂટરની મદદ લેવાશે

અમદાવાદની સાબરમતી સેન્ટ્રલ જેલમાં સુરક્ષાને લઈને અનેક વખત વિવાદોમાં આવી છે. તેમાં પણ ખાસ કરીને વર્ષ 2013માં થયેલો સુરંગકાડને અત્યાર સુધીનો સૌથી મોટો વિવાદ ગણવામાં આવે છે. જેલની સુરક્ષાને લઇને હવે કોઈ વિવાદ ન સર્જાય તે માટે જેલને સીક્યુરીટી મામલે વધુ હાઇટેક બનાવી રહ્યા છે. 6 કિલોમીટરમાં ફેલાયેલી સાબરમતી સેન્ટ્રલ જેલમાં એક જગ્યા એથી બીજી જગ્યા પર ઝડપી પહોંચવા માટે જેલસત્તાધીશોએ બેટરી ઓપરેટ સેલ્ફ બેલેન્સીગ સ્કુટર વસાવ્યું છે.

જેલના કોઇપણ ખુણે જવું હોય તો, આ બેલેન્સીગ સ્કુટર જેલ કર્મચારીઓ માટે આસાન રહેશે. અત્યાર સુધી જેલના કર્મચારીઓ ફૂટ પેટ્રોલીગ કરતા હતા. જેના કારણે લાંબો સમય લાગતો હતો. પરંતુ હવે બેટરીથી ચાલતા ઇલેક્ટ્રિક સ્કૂટર આવતા જેલકર્મીને પેટ્રોલિંગમાં સરળતા રહશે અને ઝડપથી પેટ્રોલિંગ કરી શકશે.