કાર્યવાહિ / ACBએ દાહોદ જિલ્લા પ્રાથમિક શિક્ષણાધિકારીને 1 લાખની લાંચ લેતા રંગેહાથ ઝડપ્યાં, શિક્ષકની બદલી માટે લીધા પૈસા

• દાહોદ જિલ્લા પ્રાથમિક શિક્ષણાધિકારી લાંચ લેતા ઝડપાયા 
• DPEO મયુર પારેખ ACBના સકંજામાં
• મયુર પારેખ 1 લાખ રૂપિયાની લાંચ લેતા ઝડપાયા 

દાહોદ જીલ્લા પંચાયત ખાતે જીલ્લા પ્રાથમિક શિક્ષણાધિકારી તરીકે ફરજ બજાવતા મયુર પારેખે શિક્ષક પાસે બદલીનાં ઓર્ડર બાબતે રૂપિયા એક લાખની લાંચની માંગણી કરી  હતી. ત્યારે એસીબીએ જીલ્લા પ્રાથમિક શિક્ષણાધિકારીને લાંચ લેતા રંગેહાથ ઝડપી પાડી તેઓ વિરૂદ્ધ કાયદેસરની કાર્યવાહિ હાથ ધરી છે.

શિક્ષણાધિકારીની કચેરીમાં લાંચ સ્વીકારતા ACB ઝડપ્યા
જીલ્લા પ્રાથમિક શિક્ષણાધિકારી દ્વારા શિક્ષક પાસે લાંચની માંગણી કરતા શિક્ષકે આ બાબતે દાહોદ એસીબીનો સંપર્ક કર્યો હતો. ત્યારે આજે પૈસા આપવા માટે DPEO દ્વારા શિક્ષકને જીલ્લા પંચાયત કચેરી ખાતે શિક્ષણાધિકારીની કચેરીમાં બોલાવ્યા હતા. શિક્ષક પાસેથી લાંચની રકમ સ્વીકારતા DPEO ને દાહોદ એસીબીએ ઝડપી પાડી તેમની વિરૂદ્ધ કાયદેસરની કાર્યવાહિ હાથ ધરી હતી.