જેલમાં કેદીઓને લીલાલહેર મળ્યા AC- રૂ.2000ની પાણી બૉટલ

તિહાર જેલની સજા ભોગવી રહેલા કેટલાક કેદીઓને લીલાલહેર છે. સૂત્રોનુસાર કેદીઓના રૂમમાંથી AC ચોકલેટ પરફ્યુમ જેવી વસ્તુઓ મળી આવી છે. કથિત રીતે પ્રખ્યાત બિલ્ડરના રૂમમાંથી કેટલીક પ્રતિબંધિત વસ્તુઓ મળી આવી છે. આ કેદી જેલનું નહી પરંતુ 2000 રૂપિયા પ્રતિ લિટરે મળતું વિદેશી બ્રાન્ડનું પાણી પીવે છે. દેશની સૌથી સુરક્ષિત માનવામાં આવતી જેલમાં કેટલાક કુખ્યાત ગુનેગારો કેદમાં છે.

એડિશનલ આઇજી તરફથી કહેવામાં આવ્યુ કે ''સુપ્રીમ કોર્ટ તરફથી AC રાખવાની મંજૂરી આપવામાં ન આવી હોવાનું જો તપાસમાં ખુલ્યો તો કડક કાર્યવાહી કરવામાં આવશે.'' સૂત્રોનું કહેવું છે કે જેલ નંબર 1 માંથી તમામ બ્રાન્ડેડ વસ્તુઓ મળી આવી છે. કેદીઓના રૂમમાંથી 10 જોડી જૂંતા વિદેશી પરફ્યૂમ ખાવાના પેકેટ્સ સહિતની વસ્તુઓ મળી આવી છે .સૂત્રો મુજબ કારમાં સામાન ભરીને જેલ કેમ્પસમાં કોઈપણ ગમે તે લઈને આવે છે ગેટ પર બરાબર ચેકિંગ નથી થતું.

10 જોડી જૂતાં અને વિદેશી પરફ્યૂમ:
તિહાર જેલમાંથી 2 રૂમમાં AC મળી આવ્યાં હતાં તપાસ કરતાં કેદીઓના  રૂમમાંથી 10 જોડી જૂતા અને વિદેશી પરફ્યૂમ પણ મળ્યું છે. જાણવા મળ્યું છે કે સુપ્રીમ કોર્ટના નિર્દેશ પર કેદીઓને 3 એવા કબાટ પણ આપવામાં આવ્યા છે જેને ખોલી ન શકાય. તપાસ દરમિયાન કેદીઓએ આ કબાટની ચાવી ન હોવાનું બહાનું બનાવીને કબાટ ખોલવાની ના પાડી દીધી હતી.

જેલમાં થઇ ચિકન પાર્ટી:
આ મામલે તિહાર જેલના એડિશનલ આઈજીએ જણાવ્યું કે તિહાર જેલના ડીઆઈજી એસએસ પરિહાર દ્વારા સમગ્ર મામલાની તપાસ કરવામાં આવી રહી છે. જાણવા મળ્યું હતું કે કેટલાક કેદીઓ જેલની અંદર ચિકન-મટનની પાર્ટી કરી રહ્યા હતા. બાદમાં તિહાર જેલ પ્રશાસને સમગ્ર ‘ચિકન કાંડ’ મામલાની તપાસ કરવાના આદેશ આપ્યા હતા. આગામી અઠવાડિયા સુધીમાં રિપોર્ટ આવી શકે છે. જણાવવામા આવી રહ્યું છે કે તિહાર જેલ નંબર-1માંથી એવી કેટલીય વસ્તુઓ મળી છે જેનો મંજૂરી વિના ઉપયોગ ન કરી શકાય. આમાં ખાણી-પીણીનો સામાન પણ સામેલ છે.

બુધવારે કારની અંદરથી પણ કેટલીક વસ્તુઓ મળી આવી હતી. સૂત્રોનું કહેવું છે કે જેલ કેમ્પસમાં કારમાં સામાન ભરીને કંઈપણ લાવી શકાય છે. ગેટ પર સરખી રીતે તપાસ નથી થઈ રહી. સૂત્રોએ જણાવ્યું કે આ કેદીઓ પાસેથી જે જૂતા મળ્યા એમાના કેટલાંક જૂતાં મૉર્નિંગ વૉક માટે પણ હતાં. હવે કેદીઓને જેલમાં મળવા આવે છે તે લોકોના રેકોર્ડ પણ તપાસવામાં આવશે. એડિશનલ આઈજીએ કહ્યું કે જેલમાં આવતા બાહરી વકીલની પણ તપાસ કરવામાં આવશે જેથી જાણી શકાય કે તેમની પાસે કોઇ પ્રતિબંધિત વસ્તુ તો નથી.''