ગરમી આવે એટલે AC, ફ્રીઝ અને કૂલર લેવાની પણ શરૂઆત થઇ જાય છે. તમે પણ જો ઉનાળામાં એસી લેવાનુ વિચારતા હોવ તો જલ્દી લઇ લેજો નહીતર મોંઘુ થઇ જશે.
ઘરવખરીની ચીજો થઇ જશે મોંઘી
આવતા મહિને ભાવ વધવાની શક્યતા
પંખાની કિંમતમાં પણ થશે વધારો
વધતી જતી મોંઘવારીની અસર વિજળી ઉપકરણો પર પણ પડે છે. આવતા મહિને જ એસી, ફ્રીજ અને કૂલર જેવી વસ્તુઓ મોંઘી થઇ જશે.
2 હજાર રૂપિયા મોંઘુ થઇ જશે AC
જેવી રીતે ગરમી વધી રહી છે સામાન્ય માણસ આ ઉનાળામાં એસી વસાવવાનુ વિચારી રહ્યો હશે. જો તમે આ મહિને એસી નહી ખરીદો તો તમારે આવતા મહિને એસી માટે વધુ રૂપિયા ખર્ચવા પડી શકે છે. એસીની કિંમતમાં 4 થી 6 હજાર રૂપિયાનો વધારો થઇ શકે છે.
ખર્ચો વધવાનો કારણે વધશે ભાવ
વિજળી ઉપકરણ બનાવવાવાળી કંપનીઓ કહી રહી છે કે તેમને પ્રોડક્શનમાં ખર્ચ વધી રહ્યો છે જેના કારણે વસ્તુઓની કિંમતમાં પણ વધારો થશે. પોલિમર્સ, કોપર, સ્ટીલસ પેકેજીંગ મટીરીયલ જેવી વસ્તુઓની કિંમત વધી છે જેના કારણે કૂલરની કિંમતમાં પણ 1 હજાર રૂપિયાનો વધારો થઇ શકે છે.
પંખો પણ થશે મોંઘો
ગયા વર્ષે ઉનાળામાં કોરોનાને કારણે કોઇ વસ્તુની ખરીદી કોઇએ કરી નહોતી. આર્થિક મુશ્કેલીઓમાંથી પસાર થઇ રહેલી જનતા માત્ર કામની વસ્તુઓ જ ખરીદી રહી હતી. આ કારણથી બિઝનેસમાં લોકોને ઘણુ જ નુકસાન થયુ હતુ. આ વર્ષે તે ખોટને પૂરવા માટે ભાવ વધારો કરવામાં આવશે. જેના કારણે પંખાના ભાવમાં પણ વધારો થઇ જશે.