અમદાવાદ / વિદ્યાર્થીઓ સાથે છેતરપિંડી : LJ ઇન્સ્ટિટ્યૂટ ઓફ ફાર્મસીમાં કોલેજના વિદ્યાર્થીઓ સાથે ABVPનો વિરોધ

• અમદાવાદની LJ ઇન્સ્ટિટ્યૂટ ઓફ ફાર્મસી કોલેજમાં વિરોધ
• કોલેજે ફી લીધી હોવા છતા વિદ્યાર્થીઓ લાયસન્સથી વંચિત
• વિદ્યાર્થીઓના ભવિષ્ય સાથે ચેડા થતા વિદ્યાર્થીઓમાં રોષ

અમદાવાદની L J ઈન્સ્ટિટ્યૂટ ઓફ ફાર્મસી કોલેજમાં વિવાદ સામે આવ્યો છે કોલેજમાં 2016 થી 2020 માં ફાર્મસીમાં અભ્યાસ કરેલા વિદ્યાર્થીઓને કોલેજે લાયસન્સ ન મળતા L J ઈન્સ્ટિટ્યૂટ વિવાદમાં આવી છે. જેને લઈને કોલેજ ખાતે વિદ્યાર્થીઓ સાથે ABVPનો વિરોધ નોંધાવ્યો છે. કોલેજમાં અભ્યાસ કરી ચુકેલા અંદાજીત 300 થી વધુ વિદ્યાર્થીઓને લાયસન્સ ન મળતા, તેઓ મેડિકલ સ્ટોર ખોલી શકતા વિદ્યાર્થીઓમાં રોષ જોવા મળી રહ્યો છે, લાઈસન્સ ન મળતા  નોકરી પણ ઓછા પગાર વાળી મળે છે જેના કારણે તેમને આર્થિક મુશ્કેલીનો સામનો કરવો પડી રહ્યો છે. 

અમદાવાદની LJ ઇન્સ્ટિટ્યૂટ ઓફ ફાર્મસી કોલેજમાં વિરોધ

વિદ્યાર્થીઓનું કહેવું છે કે કોલેજમાં વારંવાર રજૂઆતો કરી હોવા છતા કોઈ કાર્યવાહી કરવામાં આવી નથી, કોર્ટનો આદેશ છતા કોલેજ વિદ્યાર્થીઓને લાયસન્સના નામે ખોટા વાયદાઓ કરી રહી છે. વિદ્યાર્થીઓના આરોપોને લઈને કોલેજના પ્રિન્સીપાલ કહે છે કે જલ્દીથી વિદ્યાર્થીઓને લાયસન્સ આપવામાં આવશે ત્યારે હજુ પણ કોલેજ દ્વારા વિદ્યાર્થીઓને ધક્કે ચડાવાતા વિદ્યાર્થીઓને હંગામો મચાવ્યો હતો LJ ઇન્સ્ટિટ્યૂટ ઓફ ફાર્મસી કોલેજમાં ABVP કાર્યકરોએ પણ વિદ્યાર્થીઓ સાથે વિરોધ નોંધાવ્યો છે.  

વિદ્યાર્થીઓના ભવિષ્ય સાથે ચેડા થતા વિદ્યાર્થીઓમાં રોષ

ABVP આક્ષેપ છે કે કોલેજે 100 સીટની પરમિશન સામે 180 વિદ્યાર્થીઓને પ્રવેશ આપ્યો હતા આમ કોલેજની બેદરકારીને કારણે 100 વિદ્યાર્થીઓને જ ફાર્માસિસ્ટના લાયસન્સ મળ્યા છે બાકીનાને લાયસન્સ ન મળતા મુશ્કેલી સર્જાઈ છે.  વર્ષ 2016 થી 2021માં ફાર્મસીમાં અભ્યાસ કરેલા વિદ્યાર્થીઓ સાથે કોલેજ દ્વારા છેતરપિંડી આચરવામાં આવી છે. કોલેજે ફી લીધી હોવા છતા વિદ્યાર્થીઓ લાયસન્સથી વંચિત રાખવામાં આવ્યા છે. આમ વિદ્યાર્થીઓના ભવિષ્ય સાથે ચેડા થતા વિદ્યાર્થીઓમાં રોષ જોવા મળી રહ્યો છે. વિદ્યાર્થી સંગઠનોએ પણ કોલેજ સામે નક્કર કાર્યવાહી કરવામાં આવે તેવી માંગ કરી છે.