સુરતની વીરનર્મદ યુનિવર્સિટીમાં ABVPએ વિરોધ પ્રદર્શન કર્યું છે. GSની ચૂંટણી માટે તારીખો જાહેર ન થતાં વિરોધ નોંધાવ્યો છે. કુલપતિની ચેમ્બર બહાર કાર્યકર્તાઓએ વિરોધ પ્રદર્શન કર્યું છે. આવેદન આપવા છતાં તારીખો જાહેર ન કરતાં કાર્યકર્તાઓમાં રોષ ફેલાયો છે. તો વિવિધ કોલેજના વિદ્યાર્થીઓ પણ યુનિવર્સિટી પહોંચ્યા છે. સાથે જ ચૂંટણીની તારીખો જ્યાં સુધી જાહેર નહીં થાય ત્યાં સુધી પ્રદર્શન કરવાની ચીમકી ઉચ્ચારી છે.
GSની ચૂંટણીની તારીખો જાહેર ન થતાં વિરોધ
ABVP કાર્યકર્તાઓનું વિરોધ પ્રદર્શન
કુલપતિની ચેમ્બર બહાર કાર્યકર્તાનો વિરોધ
કોઈ ને કોઈ કારણોમાં ફસાતી રહેતી વીર નર્મદ યુનિવર્સિટી ચર્ચામાં રહે છે. પહેલાં પણ તે હોસ્ટેલમાં એડમિશનના મુદ્દે ચર્ચામાં રહી હતી. હાલમાં GSની ચૂંટણીઓ માટે તારીખો જાહેર ન થવાના કારણે વિરોધ કરવામાં આવી રહ્યો છે. અડધું સત્ર પૂરું થવા છતાં પણ GSની નિમણૂંક કરવામાં આવી નથી. 23 ઓગસ્ટ 2019ના રોજ વિદ્યાર્થી પરિષદે આવેદન આપીનેઆ ઈલેક્શનની માંગ કરી હતી. આ ઈલેક્શન એડમિશન બાદ તરત થવું જોઈએ. હાલમાં અડધું સત્ર પૂર્ણ થયું હોવા છતાં કોઈ નિમણૂંક થઈ નથી. જેને લઈને વિરોધ કરવામાં આવ્યો છે.
હાલમાં વિદ્યાર્થીઓએ આંદોલન અને સૂત્રોચ્ચાર સાથે વિરોધ નોંધાવ્યો છે. જો આજે ઈલેક્શનની તારીખ જાહેર નહીં થાય તો અહીં ધરણાં કાયમ રાખવાની ચીમકી વિદ્યાર્થીઓએ આપી છે.