નિર્ણય / માઉન્ટ આબુમાં ફરવા જવાનું વિચાર કરતા લોકો માટે મહત્વના સમાચાર

• આબુરોડમાં આગામી 8 દિવસ લોકડાઉન
• 30 ઓગસ્ટથી 6 સપ્ટેમ્બર સુધી લોકડાઉન જાહેર કરાયું
• કોરોનાના સંક્રમણ વધતા લેવાયો નિર્ણય

કોરોનાનું સંક્રમણ વધતા રાજ્ય સરકાર દ્વારા આબુરોડમાં લોકડાઉનને લઇને નિર્ણય લેવામાં આવ્યો છે. જેમાં 30 ઓગસ્ટથી 6 સપ્ટેમ્બર સુધી આબુરોડ ખાતે લોકડાઉન લાગુ કરવામાં આવ્યું છે. 

તંત્રના સબડિવિઝન અધિકારી ગૌરવ સૈનીએ લોકડાઉનને લઇને આદેશ જારી કર્યો છે. શહેરમાં સતત વધી રહેલા કોરોનાના આંકડાના લીધે નિર્ણય લેવામાં આવ્યો છે.

આમ માઉન્ટ આબુ ફરવા જવાનું વિચારી રહેલા સહેલાણીઓને ઝટકો લાગ્યો છે. તંત્ર દ્વારા આબુરોડ શહેર સહિત તારતોલી, અક્રભાતા, માનપુર હવાઈ પટ્ટી  અને સંતપુર સુધી ના ગામોમાં લોકડાઉન રહેશે.

ઉલ્લેખનીય છે કે રાજસ્થાનમાં છેલ્લા ઘણા સમયથી કોરોના વાયરસના પોઝિટિવ કેસોમાં સતત વધારો થઇ રહ્યો છે. આ વચ્ચે રાજ્યના કેટલાંક જિલ્લા તેમજ સ્થાનિક તંત્ર દ્વારા કોરોનાની ચેન તોડવા માટે કડક અમલ શરૂ કરી દીધો છે જેને લઇને ત્યાં સકારાત્મક અસર પણ જોવા મળી રહી છે.