અમદાવાદ / હાર્દિક પટેલ હાજર ન થતાં કોર્ટે નારાજ થઈ કરી ટકોર, વારંવાર મુદત પડતાં અન્ય પાટીદાર આગેવાનોમાં પણ રોષ

• અમદાવાદ નિકોલ કેસમાં ગેરહાજર રહેતા હાર્દિક પટેલને કોર્ટની ટકોર 
• ગ્રામ્ય કોર્ટમાં હાર્દિક પટેલ રહ્યા ગેરહાજર 
• માથાકૂટને લઇ ચાલેલા કેસામાં હાજર ન રહેતા પડી મુદ્દત 

અમદાવાદ નિકોલ કેસમાં ગેરહાજર રહેતા હાર્દિક પટેલને કોર્ટે ટકોર કરી છે. આજે ગ્રામ્ય કોર્ટમાં હાર્દિક પટેલ ગેરહાજર રહ્યા હતાં. નિકોલમાં ઉપવાસ કરવા મામલે પોલીસ સાથે માથાકૂટ થઇ હતી. જે પોલીસ સાથેની માથાકૂટ કેસમાં આજે હાર્દિક પટેલ કોર્ટમાં ગેરહાજર રહ્યાં હતાં.

હાર્દિક પટેલ રહ્યા ગેરહાજર 
હાર્દિક પટેલ અને પોલીસ વચ્ચે માથાકૂટ કેસમાં ગ્રામ્ય કોર્ટમાં હાર્દિક પટેલ ગેરહાજર રહેતા કોર્ટે ટકોર કરી છે. માથાકૂટને લઇ ચાલતા કેસામાં હાજર ન રહેતા તેમને મુદ્દત  પડી હતી. તેમને જણાવી દઈએ કે, ગ્રામ્ય કોર્ટ દ્વારા હાર્દિક પટેલને સમન્સ પાઠવાયુ હતુ. કોર્ટે કહ્યું હતું કે, અમે મેડિકલ પુરાવા નહીં હાર્દિક પટેલને હાજર રાખવા સમન્સ ઇશ્યુ કર્યું છે અને સમન્સ પાઠવ્યું છતાં હાર્દિક ગેરહાજર નવાઈની વાત છે. હાર્દિક પટેલ ગેરહાજર રહેતા અન્ય પાટીદાર આગેવાનોમાં રોષ જોવા મળી રહ્યો છે. વારંવાર મુદ્દતથી પરેશાન થતા પાટીદાર આગેવાનોમાં આક્રોશ જોવા મળી રહ્યો છે. કોર્ટમાં પાટીદાર આગેવાનોએ હાર્દિક પટેલનો વિરોધ કર્યો છે.

ગીતા પટેલનું નિવેદન
પાટીદાર આગેવાન અને આ કેસના આરોપી ગીતા પટેલે જણાવ્યું કે, સરકાર ચૂંટણી વખતે જાહેરાત કરે છે અમે બધા કેસ પરત લઈ લઈશું પરંતું અમે અજી પણ કોર્ટમાં આવીએ છીએ અને ટૂંકી મુદ્દત પાંચ અને આઠ દિવસની મુદ્દતે અમે આવી છીએ અને હેરાન થઈ રહ્યાં છીએ તેમજ આજે બીજા બધા હાજર હતા ફક્ત હાર્દિક પટેલ ગેરહાજર હતા.

વકીલ અરવિંદ વાણિયાનું નિવેદન
બચાવપક્ષના વકીલ અરવિંદ વાણિયાએ જણાવ્યું કે, આજે આ કેસમાં ચાર્જફ્રેમ કરવાની હતી. તેમણે કહ્યું કે, આ કેસમાં વધુ સુનાવણી આગામી 22 તારીખ અપાઈ છે તેમજ ચાર્જફ્રેમની પ્રક્રિયા પણ 22 તારીખે જ થશે.

હાર્દિક પટેલની મુશ્કેલી વધી શકે?
વિરમગામના ધારાસભ્ય હાર્દિક પટેલની મુશ્કેલી વધી શકે છે, પાટીદાર આંદોલન સમયેના નિકોલ કેસમાં કોર્ટે સમન્સ પાઠવ્યું હતું અને ગ્રામ્ય કોર્ટે હાર્દિક પટેલ સામે સમન્સ ઇશ્યુ કર્યુ હતું. તેમજ 8 ફેબ્રુઆરીએ કોર્ટમાં હાજર રહેવા માટે સમન્સ પાઠવવામાં આવ્યું હતું છતાં હાર્દિક પટેલ હાજર રહ્યાં નથી. અને કોર્ટમાં ગેરહાજર પાછળનું કારણે મેડિકલ બતાવ્યું છે.

ગ્રામ્ય કોર્ટમાં હાર્દિક પટેલ સામે ચાર્જશીટ થઇ હતી 
તમને જણાવી દઈએ કે, ગ્રામ્ય કોર્ટમાં હાર્દિક પટેલ સામે ચાર્જશીટ થઇ હતી, 100થી વધુ પેજની ચાર્જશીટ દાખલ કરાઇ હતી. કેસમાં 10થી વધુ સાક્ષીઓની જુબાની પણ લેવાઇ હતી. હાર્દિક પટેલની નિકોલમાં આમરણાંત ઉપવાસ પર બેસે તે પહેલા અટકાયત કરાઇ હતી. હાર્દિક પટેલ સહિત 9 લોકોની અટકાયત બાદ ગુનો પણ નોંધાયો હતો. 25 ઓગસ્ટ 2018 પોલીસ સાથે ગેરવર્તનની ફરિયાદ નોંધાઇ હતી. ગીતા પટેલ કિરણ પટેલ સહિતના લોકો સામે ગુનો નોંધાયેલો છે.