ટ્રમ્પ હુમલા બાદ ચર્ચિત / આ પ્રેસિડન્ટને હત્યા પહેલા આવ્યું હતું મોતનું સપનું, વ્હાઉટ હાઉસમાં ફરતાં જોઈ પોતાની લાશ

પૂર્વ અમેરિકી પ્રેસિડન્ટ ડોનાલ્ડ ટ્રમ્પ પર થયેલા ફાયરિંગ બાદ અબ્રાહમ લિંકનનો કિસ્સો તાજો થયો છે. 1865ની સાલમાં 14 એપ્રિલે તે વખતના પ્રેસિડન્ટ અબ્રાહમ લિંકનની વોશિંગ્ટન ડીસીના ફોર્ડ થિએટરમાં નાટક જોતી વખતે ગોળીબાર કરીને હત્યા કરી દેવાઈ હતી. આ પછી અમેરિકા સહિત વર્લ્ડમાં સનસનાટી મચી હતી. જોગાનુજોગ અબ્રાહમ લિંકનને પોતાનો મોતનો પૂર્વાભાસ થયો હોવાનું પણ જણાવાયું હતું.

લિંકનને આવ્યું હતું હત્યાનું સપનું

લિંકને તેની હત્યાના થોડા દિવસો પહેલા પોતાના "સ્વપ્ન" નો ઉલ્લેખ કર્યો હતો. તેમણે કહ્યું, "મારું એક સપનું હતું જેમાં હું વ્હાઇટ હાઉસના પૂર્વ રૂમમાં જઈ રહ્યો હતો અને ત્યાં ઘણા સૈનિકો અને શોકાતુર લોકો હાજર હતા. તેમણે કહ્યું કે જ્યારે મેં મૃત્યુ પામેલા એક સૈનિકને પૂછ્યું તો સૈનિકે જવાબ આપ્યો, "રાષ્ટ્રપતિ. તેમની હત્યા કરવામાં આવી છે. લિંકને હત્યા પહેલા પોતાના અંતિમ સંસ્કાર પણ જોયા હોવાનું જણાવ્યું હતું.

હત્યાનું સપનું સાચું પડ્યું

લિંકનને પોતાની હત્યાનો અણસાર આવી ગયો હતો તેમ છતાં પણ તેને ગંભીરતાથી ન લેવાયો. જો આ સપનાંને ગંભીરતાથી લેવાયું હોત તો તેમનો જીવ બચી શકતો હતો. સપનાના થોડા દિવસ ફોર્ડ થિએટરમાં નાટક જોતી વખતે લિંકનની ગોળી મારીને હત્યા કરી દેવાઈ હતી.

ડોનાલ્ડ ટ્રમ્પ પર જીવલેણ હુમલાથી ચકચાર

પૂર્વ રાષ્ટ્રપતિ ડોનાલ્ડ ટ્રમ્પ પર જીવલેણ હુમલાથી સમગ્ર વિશ્વમાં ચકચાર મચી છે. પરંતુ અહીં રાષ્ટ્રપતિઓ પર જીવલેણ હુમલાના પ્રયાસ નવા નથી. આ પહેલાં ઘણા રાષ્ટ્રપતિઓ પર થઈ ચૂક્યાં છે અને તેમાં ઘણાના મોત પણ થયાં હતા. અમેરિકામાં આ પ્રકારનો પહેલો હુમલો 1835માં થયો હતો. ત્યારબાદ એક વ્યક્તિએ તત્કાલીન રાષ્ટ્રપતિ એન્ડ્રુ જેક્સનની હત્યા કરવાનો નિષ્ફળ પ્રયાસ કર્યો હતો. ઘટના સમયે જેક્સન અંતિમ સંસ્કારમાં હતા ત્યારે તેમના પર બે વાર ફાયરિંગ કરવામાં આવ્યું હતું જોકે, હવામાં ભેજને કારણે બંદૂક બંને વખત મિસ ફાયર થતાં તેઓ બચી ગયાં હતા.

લિંકન સહિત 4ની હત્યા

આ પછી, જેમ્સ ગારફિલ્ડ સાથે આવી બીજી ઘટના બની હતી. જુલાઈ 1881 માં, જ્યારે તેઓ વોશિંગ્ટન ડી.સીના રેલવે સ્ટેશન પર હતાં ત્યારે તેમની ગોળી મારીને હત્યા કરી દેવાઈ હતી. જોકે તે વખતે તેઓ હુમલામાં ગંભીર રીતે ઘાયલ થયાં હતા અને થોડા મહિના પછી સપ્ટેમ્બરમાં ન્યૂ જર્સીમાં હુમલામાં ટકી રહેલા ઘાવથી તેનું મૃત્યુ થયું હતું. ગારફિલ્ડનો બંદૂકધારી ચાર્લ્સ ગિટેઉ હતો, જે માનસિક બીમારીથી પીડિત હતો અને ગારફિલ્ડની સરકારમાં નોકરી ન મળવાથી નારાજ હતા. ગિટેઉને દોષિત ઠેરવવામાં આવ્યો અને એક વર્ષમાં ફાંસી આપવામાં આવી. 1901 માં વિલિયમ મેકકિન્લીની હત્યા તરીકે અમેરિકન ઇતિહાસના પૃષ્ઠો પર નોંધાયેલ ત્રીજો કેસ છે. તેમના બીજા કાર્યકાળના છ મહિના પછી જાહેર પ્રદર્શનમાં લોકોને મળતાં તેમને ગોળી વાગી હતી. હુમલાના એક અઠવાડિયા પછી જ તેનું મૃત્યુ થયું હતું. અમેરિકામાં હત્યા કરાયેલા ચોથા પ્રમુખ હતા જ્હોન એફ કેનેડી જેમને નવેમ્બર 1963માં ડલ્લાસમાં જાહેર કાર રેલી દરમિયાન કેનેડી ઓપન-ટોપ લિમોઝીનમાં સવાર થઈને નજીકના વેરહાઉસના છઠ્ઠા માળેથી સ્નાઈપર ઓસ્વાલ્ડે ગોળીબાર કર્યો હતો. હુમલાના થોડા દિવસો બાદ સોવિયેત સમર્થક ઓસ્વાલ્ડની ધરપકડ કરવામાં આવી હતી.

વધુ વાંચો : VIDEO : હુમલા વખતે સિમ્પલ ટ્રિકથી ટ્રમ્પે ટાળ્યું મોત, સામે ગોળી આવતાં તરત કર્યું આ કામ, બચ્યાં

આટલાં પ્રેસિડન્ટ પર જીવલેણ હુમલો

ટ્રમ્પની જેમ 1961ની સાલમાં પ્રમુખ થિયોડોર રૂઝવેલ્ટ ચૂંટણી માટે પ્રચાર કરી રહ્યા હતા ત્યારે સલૂન ઓપરેટરે તેમને ગોળી મારી હતી. જોકે હુમલામાં તેઓ આબાદ બચી ગયાં હતા છતાં તેમણે ભાષણ આપ્યું આ રીતે તેની પહેલાં 1933ની સાલમાં મિયામીમાં ફ્રેન્કલિન ડી. રૂઝવેલ્ટ પર હુમલો થયો. રુઝવેલ્ટના મૃત્યુ પછી પ્રમુખપદ સંભાળનાર હેરી ટ્રુમૅનને 1950માં પ્યુઅર્ટો રિકન રાષ્ટ્રવાદીઓ દ્વારા વ્હાઇટ હાઉસની સામે ગોળી મારી દેવામાં આવી હતી. 1972 માં, અલાબામાના ગવર્નર જ્યોર્જ વોલેસ, જેઓ ત્રીજી વખત રાષ્ટ્રપતિ પદ માટે પ્રચાર કરી રહ્યા હતા, તેમને વોશિંગ્ટન ડીસીની બહાર ગોળી મારી દેવામાં આવી હતી. 1981માં વોશિંગ્ટન ડીસીમાં હિલ્ટનની બહાર રાષ્ટ્રપતિ રોનાલ્ડ રીગન પર પણ હુમલો કરવામાં આવ્યો હતો . તેમના પ્રેસ સેક્રેટરી, જેમ્સ બ્રેડી, રીગન કરતાં હુમલામાં વધુ ગંભીર રીતે ઘાયલ થયા હતા. 2005માં, જ્યોર્જ ડબ્લ્યુ બુશ જ્યારે જ્યોર્જિયાના તિબિલિસીમાં ભાષણ આપી રહ્યા હતા ત્યારે તેમના પર પણ હુમલો કરવામાં આવ્યો હતો. આ ઘટનામાં તેમના સ્ટેજ પર ગ્રેનેડ ફેંકવામાં આવ્યો હતો. હુમલામાં ગ્રેનેડની પીન કાઢી નાખવામાં આવી હોવા છતાં, ગ્રેનેડને છુપાવવા માટે તેની ફરતે વીંટાળવામાં આવેલો રૂમાલ એટલો ચુસ્ત રીતે બાંધવામાં આવ્યો હતો કે લિવરને અલગ કરી શકાય તેમ ન હતું. આ હુમલામાં કોઈને ઈજા થઈ નથી.